Astanada «Otbasy - altyn dińgek» atty respýblıkalyq baıqaý ótip jatyr

Baıqaý Qazaqstan halqy tilderiniń HІІ festıvali aıasynda QR Mádenıet mınıstrligi Til komıtetiniń uıymdastyrýymen ótýde.

Oǵan elimizdiń árbir óńirinen kelgen buǵan deıin qalalyq, oblystyq deńgeılerde ótken baıqaýlardyń jeńimpaz otbasylary qatysýda. Barlyǵy - 15 januıa.

Dástúrli sharanyń maqsaty - ulttyq salt-dástúrdi, qazaqı tárbıeni boıyna sińirgen, balalary qazaq mektepterinde oqıtyn, birneshe tildi meńgergen, ónerli, ónegeli otbasylardy qoldaý, olardyń tárbıe úlgisin dáripteý jáne nasıhattaý.

«Biz memlekettik til máselesin nege otbasymen baılanystyryp aldyq? Óıtkeni, «otbasy - shaǵyn memleket», degen qalyptasqan uǵym bar. Eger biz otbasyn shaǵyn memleket deıtin bolsaq, ol otbasynyń memlekettik tili qazaq tili bolýy kerek. Ár otbasynyń ıesi óziniń shańyraǵynda memlekettik tildiń saqtalýyna jaýap berýi kerek. Biz qazaqstandaǵy árbir januıada memlekettik tildi otbasy tili retinde qalyptastyrýymyz qajet. Sebebi, barlyq tárbıe otbasynan bastalady», - dedi QR Mádenıet mınıstrligi Til komıtetiniń tóraǵasy Baýyrjan Omarov.

Baıqaý úsh kezeńmen ótýde. Birinshi - otbasyn tanystyrý, ekinshisi - «Uıada ne kórseń...» atty úı tapsyrmasy. ıAǵnı qatysýshylar, belgili bir ortada qaza tilin, mádenıetin, tarıhyn nasıhattaý sátterinen aldyn ala daıyndalǵan beıne rolıkterdi, otbasy jaıly albomdardy nazarǵa usynady. Úshinshi saıysta komandalar ózderiniń ónerlerin ortaǵa salýy tıis.

Qazylar alqasyna «Egemen Qazaqstan» gazetiniń bas redaktory Janbolat Aýpbaev tóraǵalyq etýde.

Jeńimpazdar dıplomdarmen, alǵys hattarmen jáne baǵaly syılyqtarmen marapattalatyn bolady.