Astanada otandyq jańa fılmniń tusaýkeseri ótti
ASTANA. QazAqparat - Astanada «Qazaqfılm» kınostýdııasy túsirgen rejısser Farhat Sháripovtiń «Tulǵalyq ósý trenıngi» («Trenıng lıchnostnogo rosta») atty fılmniń tusaýkeseri ótti, dep habarlaıdy QazAqparat tilshisi «Qazaqfılm» kınostýdııasynyń baspasóz qyzmetine silteme jasap.
QR Mádenıet jáne sport mınıstrliginiń tapsyrysy boıynsha túsirilgen áleýmettik drama jasy 40-qa kelip, orta jas kúızelisin keship júrgen bank qyzmetkeri týraly baıandalady. Kınotýyndy jazýshy Danııar Súgiralınovtyń «Kirpishter 2.0» romanynyń jelisi boıynsha túsirilgen.
Tusaýkeser sharasyna QR Mádenıet jáne sport mınıstri Arystanbek Muhamedıuly, «Qazaqfılm» kınostýdııasynyń birinshi vıtse-prezıdenti Serik Jubandyqov, fılm rejısseri Farhat Sháripov jáne qoıýshy operatory Aleksandr Plotnıkov qatysty.
«Qazaqfılm» kınostýdııasynyń bıylǵy prokattyq maýsymy jas rejısser Farhat Sháripov túsirgen «Trenıng lıchnostnogo rosta» («Tulǵalyq ósý trenıngi») fılmimen ashylyp otyr. Bul kınotýyndy kórermenge oı salatyn, astarly kartına. Kınoda basty rolderdi elimizge tanymal kıno jáne teatr akterleri somdaǵan. Bul akterler naǵyz sýretkerler. Olardyń jasaǵan obrazdary eshkimdi de beı-jaı qaldyrmaıdy, - dedi mınıstr Arystanbek Muhamedıuly.
Sondaı-aq, merekelik keshke kópke belgili óner jáne qoǵam qaıratkerleri men kıno salasy mamandary qatysty.
«Bálkim, jas býynǵa fılmniń dramalyq negizin túsiný qıynǵa soǵatyn shyǵar. Kartına ómirlik tájirıbesi bar, kóp nárseni basynan keshken adamdarǵa uǵynyqty. Aıtpaǵym, jas kórermen keıipkerdiń qartaıǵan anasyna qaraýy, otbasy qurdymǵa ketip bara jatqanyna ýaıymdaýy jáne jasóspirim qyzymen til tabysa almaýy sekildi máselelerdi tolyq uǵynbaýy múmkin. Men úshin fılmdi kórgen kórermen, odan ózine keregin alsa sol jetkilikti, - dedi fılm rejısseri Farhat Sháripov.
Habarlamada aıtylǵandaı atalǵan fılmniń álemdik tusaýkeseri 23 Pýsan halyqaralyq kınofestıvalinde ótken. Sonymen qatar, kartınanyń qorjynynda eki birdeı júlde bar, biri 14-shi halyqaralyq Sháken Aımanov kınofestıvalinde qazylar alqasynyń arnaıy júldesi jáne Netpak júldesi («Ar aldynda tańdaý jasaǵan adamnyń beınesin astarly kórsetkeni úshin»).
Búginnen bastap otandyq prokatqa shyǵatyn kınotýyndy Almatyda túsirilgen. Basty róldi Dýlyǵa Aqmolda men Erjan Túsipov somdaıdy, sondaı-aq Gúljamal Qazaqbaeva, Ásel Qalıeva, Fılıpp Voloshın jáne basqa da akterler oınaıdy.
