Astanada otandyq IT-sheshimderdiń kórmesi ótip jatyr

ASTANA. QazAqparat - Elordada otandyq aqparattyq tehnologııalar boıynsha kórme ótip jatyr, dep habarlaıdy QazAqparat tilshisi.

Bul kórme 5 shilde kúni ótetin «Astana hab» halyqaralyq tehnoparkiniń tehnıkalyq ashylýy qarsańynda uıymdastyrylǵan.

«Búgingi kórmege 40-tan astam otandyq kompanııa júzden astam IT-sheshim usynýda. Olardyń arasynda softverlik (baǵdarlamalyq qamtamasyz etý) sheshimder, geoportaldar, qujat aınalymy boıynsha jáne kólik apattaryna boljaý jasaıtyn ózge de baǵdarlamalar jáne telekommýnıkatsııalyq apparatýralar bar», - dep jaýap berdi «Zerde» holdıngi AKT salasyn damytý departamentiniń bas menedjeri Orynbek Qýanysh jýrnalısterge.

Onyń aıtýynsha, kórmege IT salasyndaǵy mamandar, úkimet organdarynyń ókilderi, jeke kásipkerler syndy kez kelgen tilek bildirýshi kele alady.
   

«Kórmege kelý úshin 900-den astam adam tirkeldi. Biraq odan da kóp qonaq keledi dep josparlap otyrmyz. Bizdiń maqsatymyz - otandyq mekemelerdi alǵa qaraı damytý, ishki jáne syrtqy naryqta satý áleýetin arttyrý bolatyn. Qazir bizge Qyrǵyzstannan delegatsııa kele jatyr, olarǵa otandyq sheshimderdi tanystyramyz jáne kórme aıasynda qazaqstandyq kompanııalarmen eki memorandýmǵa qol qoıylady», - dep óz sózin tolyqtyrdy O. Qýanysh.
 

Kórme 3-4 shilde kúnderi EKSPO aýmaǵynda ótedi.