Astanada otandyq óndirýshilerge qoldaý kúsheıedi
ASTANA. KAZINFORM — Astanada «Energetıkalyq jáne kommýnaldyq sektorlardy jańǵyrtý» (EKSJ) ulttyq jobasy aıasynda óndiristi damytý jáne otandyq ónim úlesin arttyrý máselelerine arnalǵan semınar-keńes ótti. Bul týraly Ónerkásip jáne qurylys mınıstrligi málim etti.
Іs-sharaǵa tabıǵı monopolııa sýbektileri, memlekettik organdar, salalyq uıymdar men qazaqstandyq óndiris oryndarynyń ókilderi qatysty.
Ónerkásip jáne qurylys vıtse-mınıstri Oljas Saparbekov EKSJ ulttyq jobasy Úkimet tarapynan tek ınfraqurylymdy jańǵyrtý baǵdarlamasy retinde ǵana emes, sonymen qatar otandyq óndiristi damytýǵa jáne energetıka men turǵyn úı-kommýnaldyq sharýashylyq salalary úshin ornyqty ónerkásiptik negiz qalyptastyrýǵa baǵyttalǵan mańyzdy tetik retinde qarastyrylatynyn atap ótti.
— EKSJ ulttyq jobasyn iske asyrý aıasynda otandyq taýar óndirýshilerdi qoldaýdyń qajetti tetikteri qalyptastyryldy. Biz qazaqstandyq bıznes jańǵyrtý jobalaryna belsendi qatysyp, lokalızatsııalaý deńgeıin, ónim sapasy men tehnologııalyq quzyretterin odan ári arttyrady dep senemiz, — dedi vıtse-mınıstr.
Sondaı-aq ol ulttyq jobanyń negizgi baǵyttarynyń biri — el ishindegi qundylyqty damytý jáne qazaqstandyq taýar óndirýshilerdi qoldaý ekenin aıtty. Oljas Saparbekovtiń aıtýynsha, búginde Qazaqstanda mashına jasaý, metall óńdeý, qurylys materıaldaryn óndirý, hımııa jáne munaı-gaz hımııasy salalarynda sapasy jaǵynan sheteldik ónimderden kem túspeıtin eleýli óndiristik áleýet qalyptasqan.
Vıtse-mınıstrdiń aıtýynsha, EKSJ ulttyq jobasy aıasynda jalpy quny 2,2 trln teńgeni quraıtyn 2700-den astam taýar túrine suranys qalyptasady dep kútiledi.
— Semınar barysynda ulttyq jobanyń normatıvtik jáne ınstıtýtsıonaldyq bazasy otandyq óndirýshilerdi qoldaý basymdyǵyna negizdelip qurylǵany atap ótildi. Atap aıtqanda, qazaqstandyq kásiporyndardyń EKSJ jobalaryna qatysýyn keńeıtý maqsatynda satyp alý tetikteri, ofteık-kelisimsharttar jáne jobalardy tsıfrlyq súıemeldeý quraldary qarastyrylǵan, — delingen habarlamada.
Semınar aıasynda qatysýshylar otandyq ónimdi jobalyq-smetalyq qujattamaǵa engizý, standarttaý, óndiristik kooperatsııany damytý, tarıf qalyptastyrý máselelerin, sondaı-aq qazaqstandyq óndirýshilerdiń atalǵan jobalarǵa qatysý múmkindikterin keńeıtý tetikterin talqylady.
Іs-shara baǵdarlamasyna jańa óndiristerdi lokalızatsııalaý, óndirýshilerge qoıylatyn talaptar, standarttardy engizý jáne el ishindegi óndiristik kooperatsııany damytý máselelerine arnalǵan birneshe taqyryptyq pikirtalas alańdary engizildi. Sonymen qatar óndiristik tapshylyq kartasyn qalyptastyrý, zamanaýı tehnologııalardy engizý jáne zerthanalyq sapa baqylaý júıesin jetildirý máselelerine erekshe nazar aýdaryldy.
Іskerlik baǵdarlamadan bólek, semınar alańynda qazaqstandyq óndirýshiler ónimderiniń kórme aımaǵy jáne EKSJ jobalary boıynsha tikeleı kelissózder, konsýltatsııalar men ótinimderdi talqylaýǵa arnalǵan B2B alańy jumys istedi.
Іs-shara aıasynda naryq qatysýshylary arasynda birlesken qyzmet jáne yntymaqtastyq týraly kelisimderge qol qoıý josparlanyp otyr.
Uıymdastyrýshylar mundaı salalyq alańdar memleket, bıznes jáne salalyq uıymdar arasyndaǵy syndarly dıalogty damytýǵa, sondaı-aq Qazaqstandaǵy lokalızatsııalaý deńgeıi men ónerkásiptik kooperatsııany arttyrýǵa yqpal etetinin atap ótti.
Aıta keteıik, buǵan deıin otandyq óndirýshilerge taýarlardy temirjol arqyly tasymaldaý shyǵyndary óteletinin jazdyq.
