Astanada Otan qorǵaýshylar kúni aýqymdy Open Air kontsertimen aıaqtaldy
ASTANA. KAZINFORM – «Astana Arena» stadıony mańynda Otan qorǵaýshylar kúnine arnalǵan ashyq aspan astyndaǵy merekelik kontsertke myńdaǵan turǵyn men qala qatysty.
7 mamyrdaǵy merekelik baǵdarlama tańerteńnen bastaldy. Qala turǵyndary úshin balalar oıyn aımaqtary, otbasylyq demalys alańdary, sporttyq belsendi is-sharalar, ınteraktıvti baǵdarlamalar men jármeńke uıymdastyryldy. Sonymen qatar qonaqtar ulttyq taǵamdar men qolóner buıymdarynyń kórmesin tamashalady.
Keshtiń basty oqıǵasy — qazaqstandyq estrada juldyzdarynyń qatysýymen ótken aýqymdy Open Air kontserti. Sahnada Marjan Arapbaeva, Raim, BAYANSULU, Dosymjan Tańatarov, Qaırat Baıkenov, DOS, DiEra, JOSHY QAZAQ NATIONAL GROUP jáne ózge de ónerpazdar óner kórsetti.
Kontsert barysynda kórermender tanymal ánderdi birge shyrqap, bı bılep, óner ıelerine qoldaý kórsetti.
Merekelik kesh erekshe atmosferada ótip, elorda turǵyndary men qonaqtarynyń basyn qosty.
Aıta keteıik, Astanada Otan qorǵaýshylar kúni dástúrli túrde áskerı qyzmettiń mańyzyn nasıhattaýǵa jáne patrıottyq qundylyqtardy nyǵaıtýǵa baǵyttalǵan mazmundy baǵdarlamamen atap ótildi. Qala turǵyndary men qonaqtary úshin kontsertter, kórsetilimder jáne túrli qoǵamdyq aktsııalar uıymdastyryldy.
Aıta ketelik Astanada Otan qorǵaýshy kúnine arnalǵan kontsert ótken edi.
