Astanada Otan qorǵaýshy kúnine arnalǵan kontsert ótti
ASTANA. KAZINFORM – Qarýly Kúshter Ulttyq áskerı-patrıottyq ortalyǵynyń shyǵarmashylyq ujymy saltanatty jıynǵa qatysýshylarǵa merekelik kontsert tartý etti. Bul týraly Qorǵanys mınıstrligi málim etti.
Ánshiler men vokaldyq toptar, bı jáne folklorlyq-etnografııalyq ansamblder, áskerı jáne estradalyq-sımfonııalyq orkestr mýzykanttary kórermenderge áskerı-patrıottyq baǵdarlama usyndy. Óner keshiniń «Jeti ata» beınesine negizdelgen tujyrmdamasy qazirgi armııa men el táýelsizdiginiń tarıhı tirekterin beıneledi.
Abylaı han, Jáńgir han, Qabanbaı batyr, Bógenbaı batyr jáne Sartaı batyr sııaqty kórnekti tarıhı tulǵalar ulttyq rýh pen el qorǵaýshylardyń jaýyngerlik qasıetterin nyǵaıtýǵa zor úles qosty.
Uly Otan soǵysy jyldarynda halyq basynan ótkergen aýyr synaq kezinde qazaq halqynyń eń tańdaýly uldarynyń erligi men qaısarlyǵy aıqyn kórindi. Olardyń qatarynda Máskeý túbindegi shaıqasqa qatysqan ańyzǵa aınalǵan qolbasshy Baýyrjan Momyshuly, sondaı-aq táýelsiz Qazaqstan Qarýly Kúshteriniń negizin qalaǵan armııa generaly Saǵadat Nurmaǵambetov bar.
Kontsert barysynda estradalyq-sımfonııalyq orkestrdiń súıemeldeýimen «Elim-aı» jáne «Samaltaý» kúıleri oryndaldy. Kórermender kompozıtor A.Dúısenovtiń Nurtýǵan jyraýdyń sózine jazylǵan «Ósıet» tolǵaýyn, sondaı-aq J.Beketanovtyń mýzykasyna qoıylǵan G.Ordabaevtyń «Saǵym» bı kompozıtsııasyn erekshe yqylaspen qabyldady.
Ortalyq ansambldiń solısteri men vokaldyq toptary áskerı taqyryptaǵy shyǵarmalardy oryndady. Atap aıtqanda, S.Báıterekovtiń B.Tájibaev sózine jazylǵan «Álııa» áni jáne ıA.Frenkeldiń R.Ǵamzatovtyń óleńine jazylǵan «Jýravlı» shyǵarmasy shyrqaldy. Sonymen qatar vokaldyq toptyń oryndaýyndaǵy «Popýrrı» kórermenderdiń esinde qaldy. Kompozıtsııa avtory N.Nurtazın tankısterdiń, ushqyshtardyń jáne teńizshilerdiń qyzmet erekshelikterin áserli jetkizdi.
J.Ádilov pen R. Arsylannyń «El qorǵany», N.Nurtazın men E.Tilepberdıevtiń «Serjant», N.Almas pen O.Ákimovanyń «Batyrlar», I.Sarhadtyń «Qazaqstan», N.Zákenovtiń «Atamekenim», S.Úmbetovtiń «Elim meniń» jáne Q.Júnisovtiń «Egemen Qazaqstan» ánderi de shabyt pen optımızmge toly boldy.
Kórermender «Urpaqtar sabaqtastyǵy», «Qazaq halyq ánderi taqyrybyndaǵy fantazııa» sııaqty aspaptyq shyǵarmalardy, sondaı-aq «Sarbazdar», «Qyran» jáne basqa da bı qoıylymdaryn joǵary baǵalady.
Shyǵarmashylyq ujymnyń kásibıligi men kontserttiń mazmundy tujyrymdamasy zalda patrıotızm, urpaqtar sabaqtastyǵy, áskerı mamandyqqa qurmet jáne halqymyzdyń erlikke toly ótkenine taǵzym atmosferasyn qalyptastyrdy.
Bul kontsert tek merekelik shara ǵana emes, sonymen qatar Otanǵa qyzmet etýdiń mańyzdylyǵyn eske salǵan mańyzdy rýhanı oqıǵa boldy.
Aıta keteıik, Qazaqstandyq aspazdar Bakýde ótip jatqan aspazdyq baıqaýǵa qatysyp jatyr.
