Astanada «Otan dep soǵar júregim» atty jas aqyndar músháırasy ótti

Jastardy patrıottyq rýhta tárbıeleý, elge, jerge degen súıispenshilikti nasıhattaǵan jyr músháırasyn uıymdastyrýshy - ýnıversıtettiń «Jas túlek» aqyndar klýby.

Klýb jetekshisi, tehnıkalyq fakýltettiń 3-shi kýrs stýdenti Qýanysh Dúısenqulovtyń aıtýynsha, jalpy baıqaýǵa qatysýǵa jıyrmadan astam talapker nıet etken. Birinshi irikteý synaǵynan  keıin aqtyq dodaǵa 11 aqyn joldama aldy. Músháıraǵa júrekterinen jyr qashap, sóz ónerin semser qylǵan jalyndy stýdenttermen qatar, oqý ornynyń oqytýshylar da qatysty. Jas aqyndar Otan, týǵan jer jáne ózge de patrıottyq taqyryptarda jazylǵan óleńderin kópshilikke usyndy.

«QazATÝ-daǵy jyr jaýqazyndarynan aýyldyń ádemi ıisi men qazaqylyq stıl baıqalady, tabıǵı tunbasyn saqtap qalǵan», - deıdi qazylar alqasynyń tóraıymy, respýblıkalyq «Tumar» ádebı-kórkem jýrnaly bas redaktorynyń orynbasary, fılologııa ǵylymdarynyń kandıdaty, aqyn Ońaıgúl Turjan.  

Qazylar alqasynyń sheshimimen bas júldeni tehnıkalyq fakýltettiń 1-shi kýrs stýdenti  Aıdyn Baıysov ıelense, birinshi orynǵa agronomııa fakýltetiniń stýdenti Nurbala Aldamjarova taban tiredi. Ekinshi jáne úshinshi oryndardy Qýatbek Qomanuly jáne Áıgerim Qurmethan sáıkesinshe ıelendi. QR Tuńǵysh Prezıdenti kúnine arnalǵan jyr músháırasynyń jeńimpazdaryna Elbasynyń Jarlyǵymen ádebıet salasynda Memlekettik syılyqty ıelengen Sábıt Dosanovtyń kitaptary men aqshalaı syılyqtar tartý etildi.