Astanada osydan eki jyl buryn órtenip, 14 adamnyń ómirin jalmaǵan kókónis qoımasynyń basshylyǵy túrmeden bosatyldy - QR Joǵarǵy Soty
TANA. 30 qyrkúıek. QazAqparat /Jasulan Amanbaıuly/ - 2009 jyly Astanada órtenip, 14 adamnyń ómirin qıǵan kókónis qoımasynyń basshylyǵy qylmys quramynyń bolmaýyna baılanysty bostandyqqa shyǵaryldy.
Bul týraly búgin QR Joǵarǵy Sotynyń resmı ókili Oksana Peters málim etti.
O. Peterstiń aıtýynsha, Joǵarǵy Sottyń Qadaǵalaýshy alqasy sottyń JShS basshysyna jáne onyń orynbasaryna taǵaıyndaǵan jazalaryn joıý jáne olarǵa qatysty isti toqtatý týraly, sonymen qatar sottalýshylardy shuǵyl túrde qamaýdan bosatý jóninde qaýly shyǵardy.
Eske sala keteıik, 2009 jyly Astanada azyq-túlik qoımasynyń qurylysy barysynda órt shyǵyp, 14 adam opat bolǵan edi. 2010 jyly 25 qarasha kúni Astana qalasynyń №2 Almaty aýdandyq soty qurylys júrgizýge ruqsaty bolmaı turyp, qurylys jumystaryn bastap ketken JShS dırektoryn 7 jylǵa, onyń orynbasaryn 6 jylǵa bas bostandyǵynan aıyrý jóninde úkim shyǵarǵan.
Qadaǵalaýshy alqanyń qaýlysynda atap kórsetilgenindeı, dırektor jáne onyń orynbasarynyń tarapynan qurylys barysynda jasaǵan buzýshylyqtary órtke jáne odan keıin oryn alǵan saldarlarǵa tikeleı baılanysty emes dep tabyldy.
Joǵarǵy Sottyń Qadaǵalaýshy alqasy atalmysh qylmystyq isti sottalýshynyń biriniń túsirgen qoldaýhaty men prokýrordyń ótinishi boıynsha qaraǵan.
