Astanada osy aptada ótetin mádenı jáne sporttyq sharalar
ASTANA. QazAqparat - Elordanyń 20 jyldyǵyna arnalǵan mádenı jáne sporttyq sharalar óz jalǵasyn tabýda, dep habarlaıdy QazAqparat tilshisi.
Qala turǵyndary men qonaqtary úshin 20 mamyr - 30 tamyz jumys kúnderi saǵat 14:00-18:00, demalys kúnderi saǵat 12:00-16:00 aralyǵynda Astana qalasynyń 20 jyldyǵyn merekeleý aıasynda «Saıabaqtyń jeti keremeti» atty «Astanalyq», «Jeruıyq», «Stýdentter» saıabaqtarynda is-sharalar ótedi.
1 maýsymnan 2 qyrkúıekke deıin saǵat 15:00 men 19:00 aralyǵynda ár jeksenbi kúni otandyq tanymal ánshilerdiń qatysýymen «Dýmandy Saryarqa» atty qalanyń turǵyn alaptarynda kontsert ótýde.
30 shilde - 5 tamyz saǵat 10:00-18:00-de QR Óner akademııasynyń «Astana - arman qala» atty qoldanbaly jáne kórkem sýret kórmesi, fotojýrnalıst, jergilikti tarıhshy Nurmuhamat Imamovtyń shyǵarmashylyǵyna arnalǵan kórmesi jáne «Aqanaevtar áýleti» atty jeke kórkem kórmesi, «Jańa bastaý» S. Músirepovtyń jeke kórmesi ótýde.
30 shilde - 5 tamyz aralyǵynda saǵat 16:00-de qalalyq tsırkte Nıkýlın atyndaǵy Máskeý tsırki ártisteri «Pleneta 13» qoıylymymen qala turǵyndary men qonaqtaryn qýantatyn bolady.
30 shilde, saǵat 19:00-de «Astana Opera» teatrynda «Gala De Paris» baleti qoıylady.
31 shilde, saǵat 19:00-de Kongress-ortalyǵynda Ninety One tobynyń kontserti ótedi.
1 tamyz, saǵat 19:00-de «Astana Opera» teatrynda (kameralyq zal) «Po stranıtsam kamernoı mýzykı HH veka» kontserti ótedi.
2-5 tamyz, saǵat 19:30-da «Etnoaýyl» Ulttyq mádenı kesheninde «Alpamys» teatrlandyrylǵan tsırktik shoýy ótedi.
4 tamyz, saǵat 20:00-de Kongress-ortalyǵynda belgili ánshi, reper Jah Khalib kontsert ótkizedi.
4-5 tamyz, saǵat 12:00, 14:00-de Qýyrshaq teatrynda A. Salaevanyń «Baıqa jolda balaqaı» qoıylymy qoıylady.
4-5 tamyz, saǵat 10:00-18:00 aralyǵynda Táýelsizdik saraıynda «GEEK CON Astana 2018» festıvali ótedi.
5 tamyz, saǵat 10:00, 17:00-de Astana qalasynyń «Jeruıyq», «Astanalyq, «Prezıdenttik», «Stýdenttik», Astana trıatlon saıabaqtarynda «Fitness Park Astana» baǵdarlamasy boıynsha sporttyq is-sharalar ótedi.
5 tamyz, saǵat 12:00-de «Máńgilik El» monýmentinde «Mır bezgranıchnyh vozmojnosteı» zaǵıp jáne nashar kóretinderdiń qatysýymen «Astana-Parıj» atty velosherý bastalady.
