Astanada osy aptada qandaı mádenı sharalarǵa barýǵa bolady
ASTANA. QazAqparat - Astana ákimdiginiń resmı saıty 10-16 qyrkúıekte ótetin mádenı jáne sporttyq is-sharalardyń aptalyq josparyn usynady.
Táýelsizdik saraıynda qyrkúıektiń sońyna deıin «Astana - arman qala» ataýymen Qazaqstan Respýblıkasy Sýretshiler akademııasynyń sýret jáne qoldanbaly óner kórmesi men Pavlodar qalasynyń «Qasıetti jerlerge saıahat» plenarlyq jumysy ótedi.
Arnaıy zaldarda Konstıtýtsııanyń qurmetine arnalǵan «Ata zań - el tiregi, Astana - el júregi» kórmesi uıymdastyryldy. Sondaı-aq ıadrolyq synaqtarǵa qarsy halyqaralyq kúnge arnalǵan kórme de jumys jasaýda. Ol jerde fotojýrnalıst Nurmuhamat Imamovtyń da shyǵarmashylyǵyna arnalǵan kórme jumys istep tur. Barlyq kórmelerge aptanyń kez kelgen kúni saǵat 10:00-den 18:00-ge deıin barýǵa bolady.
«Jastar» saraıynda astana turǵyndary men qonaqtary baldyń túrli sorttarynan dám tatyp kóre alady. 14-16 qyrkúıekte ol jerde «Tátti bal álemi» kórmesi ótedi. Jumys ýaqyty - saǵat 10:00.
15 qyrkúıekte saǵat 17:00-de qalalyqtardy «Astana» kontsert zaly shaqyrady. Bul jerde qazaq orkestriniń qatysýymen Nurlan Bekenovtiń shyǵarmashylyq keshi ótedi.
Osy kúni saǵat 19:00-de Beıbitshilik jáne kelisim saraıynda «Jaıdarman» halyq jastar oıyny ótedi. Astana qalasy ákiminiń kýbogy úshin Qazaqstannyń túrli aımaǵyndaǵy birneshe komandalar jarysqa túsedi.
«Qazaqstan» ortalyq kontsert zalynda ázil keshi bolady. Bul jerden «Odnajdy v Rossıı» ıýmorlyq shoýyn kórýge bolady. Al 16-sy men 19 qyrkúıek aralyǵynda Ekspo Holl Energııada «Kóńildi tapqyrlar alańy» atty ónertapqyshtardyń Qazaqstan chempıonaty ótedi. Bastalýy: 19:00.
Budan basqa, 10-16 qyrkúıekte Astanada kóptegen sporttyq is-sharalar ótedi. 12 qyrkúıekte «Qazanat» ıppodromynda qalalyqtar «Uly Dala Rýhy» respýblıkalyq festıvaliniń fınaldyq jarysyna kýá bolady. Jarysta ulttyq oıyn túrlerinen báıge, kókpar, asyq atý, toǵyzqumalaq, qazaq kúresi t.b. ótedi.
Osy aptada KHL chempıonaty sheńberinde 2018-2019 maýsymynda astanalyqtar ózderiniń súıikti hokkeı komandasy «Barysqa» jankúıer bola alady. Match 12, 14, 16 qyrkúıekte «Barys Arena» muz alańynda ótedi. Astanalyqtar «Neftehımık», «Torpedo (NN)» jáne Aq Barspen kezdesedi.
16 qyrkúıekte «Astana EKSPO-2017» kórme kesheniniń terrıtorııasynda Astananyń 20 jyldyǵyna arnalǵan «Astana marafon - 2018» ótedi. Bastalý ýaqyty: saǵat 7:00-de.
Aptany QR fýtboldan «Astana» FK - «Qaısar» FK Lıga premerasy klýbtary arasyndaǵy chempıonaty aıaqtaıdy. Komandalar arasyndaǵy oıyndy 16 qyrkúıek kúni saǵat 20:00-de «Astana arena» stadıonynan kórýge bolady.
