Astanada osy aptada qandaı mádenı is-sharalar ótedi
NUR-SULTAN. QazAqparat - Teatr qoıylymdary, koreı ansamblderi men K-Pop oryndaýshylarynyń kontserti jáne taǵy basqalar. Nur-Sultan ákimdiginiń resmı saıty osy aptada elordada qandaı mádenı is-sharalar ótetinin aıtyp berdi.
8-10 qazan aralyǵynda qýyrshaq teatrynda Salaevtyń «Volk ı telenok» qoıylymy kórsetiledi.
«Nomad City Hall» MKQK-da 5 jáne 6 qazanda Oralhan Bókeıdiń «Aýyl hıkaıalary» spektaklderi, sondaı-aq 8 jáne 9 qazanda eki kontsert ótedi.
Aldymen Almaty qalasynyń memlekettik Respýblıkalyq akademııalyq koreı mýzykalyq komedııa teatrynyń qatysýymen Koreı dástúrli mádenıetiniń kontserti, odan keıin Koreıadan kelgen oryndaýshylardyń qatysýymen qazirgi zamanǵy K-Pop mýzykasynyń mýzykalyq keshi.
4 jáne 10 qazan kúnderi «Naz» memlekettik bı teatrynda «Ákimshilik sybaılas jemqorlyq quqyq buzýshylyqtar» taqyrybynda dáris jáne Qasym Amanjolovtyń 110 jyldyǵyna arnalǵan «Sáýleli oıdyń kenishi» taqyrybynda ádebı is-shara ótedi.
M. Gorkıı atyndaǵy Memlekettik akademııalyq orys drama teatrynda 6-9 qazan aralyǵynda kelesi qoıylymdary ótedi: A.Boldınovtyń «Prıklıýchenııa Aıstenka» ertegisi, M. Makdonahtyń «Chelovek-podýshka» qara detektıvi jáne R. Kýnıdiń «Smeshnye dengı» komedııasy.
«Jastar teatrynda» 5-10 qazan aralyǵynda B. Soqpaqbaevtyń «Kózime bir kórinseń, bala ǵashyq...», S.Astrahantsevtiń «Dostyq pen qýlyq» ertegisi, sonymen qatar B.Bekjanovtyń «Ómir» jáne N.Jaqypbaıdyń «Janarymdaǵy jalǵyz áýen» dramalary qoıyldy.
Іs-sharalar ortalyqtandyrylǵan kitaphana júıesinde josparlanǵan. 4 jáne 7 qazan kúnderi №4 buqaralyq kitaphanada «Qazaqstan – beıbitshilik pen kelisim ólkesi» jáne №3 balalar kitaphanasynda «Ózge emes, ózim aıtam óz jaıymdy» kitap kórmelerine sholý jasalady. 8 qazan kúni №8 balalar kitaphanasynda «Jızn projıvý ıa ne zrıa... Poetom Kasymom ıa býdý vsegda!», al OQK qyzmet kórsetý bóliminde «Ózimmen birge ólmesin óleńim dep» poetıkalyq mınýty.
9 qazan kúni № 10 buqaralyq kitaphanada «Qazaq aspanynda – Qasym rýhy» atty ádebı podıým, al №12 buqaralyq kitaphanada «Pıshý vse, krome donosov» atty vırtýaldy kitap kórmesi ótedi.
Kelesi kúni №7 buqaralyq kitaphanada «Aqynnyń aqyndyǵy – arda ǵana» atty bıblıo-bar, №12 buqaralyq kitaphanada «Stıhı moe schaste ı gordost moıa» atty kitap kórmesin, №3 buqaralyq kitaphanada «Sáýleli oıdyń kenishi» atty shyǵarmashylyqty nasıhattaýdy uıymdastyrady.
Sondaı-aq, №5 buqaralyq kitaphanada «Borba s korrýptsıeı: reshıtelnye mery» kitap kórmesi, №4 balalar kitaphanasynda «Vrednye prıvychkı: stoıt lı nachınat?».
Sonymen qatar, kovorkıng ortalyǵy «Zamandas 21» aýla klýbynyń kitaphanasynda aǵylshyn tili, art-terapııa, shahmat jáne toǵyzqumalaq úıirmeleri bar.
Osy aptada Sáken Seıfýllın mýzeıi qoryndaǵy qundy jádigerlerdi nasıhattaý jáne aty ańyzǵa aınalǵan qazaq aqyny ashqan mekteptermen tanysý maqsatynda is-sharalar ótedi.
Vıdeo-ekskýrsııalar, ádebı keshter jáne onlaın fotokórmeler josparlanǵan.
7 jáne 10 qazan kúnderi saıası qýǵyn-súrgin jáne totalıtarızm qurbandarynyń «ALJIR» memorıaldy-murajaı kesheninde kelesi is-sharalar josparlanǵan: «Qazaq óneriniń sańlaǵy» (Doshan Joljaqsynovtyń mereıtoıyna oraılastyrylǵan) taqyrybyndaǵy beınerolık, «Razve eto zabýdesh...» kórmesi HH ǵasyrdyń 30-50 jyldaryndaǵy qaıǵyly oqıǵalar týraly baıandaıdy.
Maqsaty – totalıtarlyq júıeniń jazyqsyz qurbandaryna qatysty ádilettilikti qalpyna keltirý, óskeleń urpaqtyń boıynda patrıotızm men adamgershilik sezimderin qalyptastyrý, murajaı qyzmetin tanymal etý.
Nur-Sultan qalasy ákimdiginiń memlekettik akademııalyq fılarmonııasynyń halyq áni bóliminiń «Nazqońyr» dástúrli án keshi «Qorqyt» etno-ansambliniń jáne «Shalqyma» halyq bı ansambliniń qatysýymen 8 qazan kúni «Astana» kontsert zalynda ótedi.
«Atameken» Qazaqstan kartasy» etno-memorıaldyq kesheni osy aptada onlaın formatta aqyn, jazýshy, aýdarmashy, stsenarıst, kınorejısser, QR eńbek sińirgen qaıratkeri Baqytjan Qanapııanov, Halyqaralyq dárigerler kúni, Muqan Tólebaevtyń «Birjan Sara» lırıkalyq-dramalyq qazaq tilinde tórt qoıylymdyq operasynyń qoıylǵanyna 75 jyl tolýy, kásipodaq kúni týraly baıandaıdy, sondaı-aq «Rýhanı jańǵyrý» baǵdarlamasy aıasynda dáris ótkizedi.
8 qazan kúni tarıhı-mádenı mura eskertkishteri men obektileriniń saqtalýyn qamtamasyz etý dırektsııasynda «Qoǵam qaıratkeri, etnograf J. Aqbaevtyń 145 jyldyǵy» onlaın sabaǵy ótedi.
6 qazanda «Máńgilik El» saltanat qaqpasy elordalyqtar men qala qonaqtarynyń nazaryna «Dúnıejúzilik sáýlet kúni» rolıgin usynady.
Aıta ketý kerek, is-sharalar sanıtarlyq normalar men karantın talaptaryn saqtaı otyryp ótkiziledi.
