Astanada osy apta jaýyn-shashyndy bolady
ASTANA. 29 shilde. QazAqparat - Elordada jańa jumys aptasy jaýyn-shashyndy bolady. Kóshpeli bult shyǵady, kún kúrkirep, jańbyr jaýýy yqtımal.
Bul týraly astana.kz saıty «Qazgıdromet» memlekettik kásipornyna silteme jasap habarlaıdy.
Sınoptıkterdiń boljaýynsha, aptanyń basynda jańbyr jaýady, seısenbi kúni elordada kún jyly bolady, biraq aptanyń sońynda kóshpeli bult shyǵyp, ótkinshi jańbyr jaýady. «Dúısenbi kúni Astanada kún ala bultty, ótkinshi jańbyr jaýady, kún kúrkireıdi. Soltústik batystan 9-14 m/s jel soǵady. Aýa temperatýrasy túnde +13+15°S, kúndiz +24+26°S bolady. Seısenbi kúni kóshpeli bult shyǵady, jaýyn jaýmaıdy. Soltústik shyǵystan 9-14 m/s jel soǵady. Aýa temperatýrasy túnde +15+17°C, kúndiz +26+28°C bolady» delingen aqparatta.
Al sársenbi kúni Astanada kóshpeli bult shyǵyp, ótkinshi jańbyr jaýady, kún kúrkireıdi. Ońtústik-shyǵystan 9-14 jel soǵady, keıde jeldiń ekipini 18 m/s jetedi. Túnde aýa temperatýrasy +18+20°C, kúndiz +30+32°C bolady. Beısenbi kúni kún ala bultty, ótkinshi jańbyr jaýady, kún kúrkireıdi. Ońtústik-shyǵystan soqqan jeldiń ekpini keıde 18 m/s jetedi. Túnde aýa temperatýrasy +18+20°C, kúndiz +27+29°C. Jumada kún ala bultty bolady, ótkinshi jańbyr jaýady, kún kúrkireıdi. Ońtústik-batystan 9-14 jel soǵady, jeldiń ekpini keıde 18 m/s jetedi. Túnde aýa temperatýrasy +15+17°C, kúndiz +24+26°C.
