Astanada Osmanly men OA handyqtarynyń qarym-qatynasyn baıandaıtyn kórme ótedi
ASTANA. QazAqparat - Astananyń 20 jyldyǵyna oraı, Qazaqstan Ulttyq mýzeıinde «Osmanly memleketi men Orta Azııa handyqtary qarym-qatynastary qujattarynyń» kórmesi ótedi, dep habarlaıdy QazAqparat.
Kórmege Osmanly memleketi men Orta Azııa handyqtarynyń qarym-qatynastaryn baıandaıtyn 40 qujat qoıylady.
Qujattar Túrkııa Respýblıkasy Premer-Mınıstrligine qarasty Ulttyq muraǵattar basqarmasynyń Osmanly muraǵatynan alyndy. Qujattardyń arasynda 1713 jyly Qazaq hany Muhammet Qaıyp han men Osmanly sultanynyń hattary sııaqty óte mańyzdy jádigerler tuńǵysh ret Qazaqstan halqyna usynylady. Sondaı-aq qonaqtar Buqara, Hıýa jáne Qoqan handyqtary men Osmanly memleketiniń baılanysyn kórsetetin hattar, mańyzdy qujattar men kartalardy da kóre alady.
Qoıylatyn eksponattardyń arasynda Túrkııa Ulttyq arhıviniń tartýy retinde qazaqtardyń Túrkııaǵa kóshine qatysty qosymsha qujattar da bar. Kórme 15-20 mamyr aralyǵynda QR Ulttyq mýzeıinde ótedi.
