Astanada «Óskeleń urpaqtyń óneri» atty respýblıkalyq óner kolledjderiniń esepti kontserti bolady

ASTANA. 5 jeltoqsan. QazAqparat - 6 jeltoqsanda Astanadaǵy Kongress-holl saraıynda «Óskeleń urpaqtyń óneri» atty respýblıkalyq óner kolledjderiniń esepti kontserti bolady.

Bul týraly QR Bilim jáne ǵylym mınıstrliginiń baspasóz qyzmeti habarlady.

Sharany atalǵan mınıstrlikpen birge P.Chaıkovskıı atyndaǵy Almaty mýzyka kolledji, A.Seleznev atyndaǵy Almaty horeografııalyq ýchılışesi, O.Tańsyqbaev atyndaǵy Almaty sándik-qoldanbaly óner kolledji, J.Elebekov atyndaǵy respýblıkalyq estrada-tsırk kolledji uıymdastyrǵaly otyr.

Shyǵarmashylyq ujymdardyń kontserti Astananyń 2012 jyly TMD men búkil túrki áleminiń mádenı elordasy atanýyna oraı jáne «Kásibı bilim jáne bıznes: áriptester dıalogy» atty halyqaralyq forým aıasynda ótkiziledi.

Esepti kontsert kolledjder stýdentteri úshin úlken óner álemine alǵashqy qadam bolmaq.