Astanada órtten qaza bolǵan bes balany halyq aqtyq saparǵa shyǵaryp saldy
ASTANA. QazAqparat - Astanada 4 aqpan kúni órtten qaza bolǵan 5 balany halyq aqtyq saparǵa shyǵaryp saldy. Búgin balalardyń janazasyna jınalǵandar sany kóp boldy, dep habarlaıdy QazAqparat tilshisi.
Búgingi Úkimettiń selektorlyq rejimdegi otyrysynda QR Premer-Mınıstri Baqytjan Saǵyntaev órtten qaza tapqan 5 balanyń ata-anasyna kóńil aıtqan bolatyn.
Eske sala keteıik, 4 aqpan kúni túnde elordanyń Saryarqa aýdanyndaǵy «Kóktal-1» turǵyn úı alabynda jeke úıdiń aýlasynda turǵyzylǵan ýaqytsha baspanada órt shyqty. Órtti sóndirý barysynda 2006, 2008, 2014, 2016, 2018 jylǵy 5 qyz balanyń denesi tabyldy.
Olardyń kishisi nebári 11 aılyq sábı edi. Órt kezinde bes balanyń ata-anasy túngi jumysta bolǵan.
