Astanada órtengen «Lýk Oıl Overseas» ǵımaratynan 200 adam qaýipsiz jerge shyǵaryldy
ASTANA. 6 jeltoqsan. QazAqparat - Dúısenbi kúni Astana qalasynyń Qabanbaı batyr dańǵylynda ornalasqan «Lýk Oıl Overseas» ákimshilik ǵımaratynda órt boldy.
Bul týraly QR TJM-nan habarlady.
Órt 5 jeltoqsan kúni, saǵat 11.53-te ǵımarattyń 2-inshi men 9-ynshy qabat aralyǵyndaǵy syrtqy qaptamasy men jylytqysh materıaldarynan tutandy.
Tilsiz jaýdyń oshaǵy saǵat 12.16-da joıylyp, taǵy bir saǵattan astam ýaqyttan keıin tolyǵymen aýyzdyqtaldy.
Jalynmen kúresti QR TJ Astana qalasy boıynsha TJD órtke qarsy qyzmetiniń 23 adamy men 7 tehnıkasy aınalysty. Órt 40 sharshy metr aýmaqty sharpydy. Ǵımarattan 200 adam qaýipsiz aýmaqqa shyǵaryldy. Qutqarýshylar anyqtaǵandaı, qurbandar men zardap shekkender joq.
