Astanada ortasha aılyq jalaqy 148 474 teńgeni qurady
ASTANA. 18 qazan. QazAqparat - Elordada bir qyzmetkerdiń ortasha aılyq ataýly jalaqysy qyrkúıek aıynda 148 474 teńgeni qurady. Bul týraly astana.kz saıtyna qalalyq Statıstıka departamentinen habarlady.
Qyrkúıek aıyndaǵy kórsetkish tamyz aıymen salystyrǵanda 8,7%, naqty kóriniste 8,6% tómendegen.
Aıta keteıik, jalaqydaǵy aıyrmashylyqtar qyzmettiń túrli salalaryndaǵy jumyskerlerge tán.
«Jalaqynyń eń joǵary mólsheri qarjy jáne saqtandyrý qyzmetinde - 301 321 teńge, eń tómengi mólsheri ákimshilik jáne qosalqy qyzmet kórsetý salasyndaǵy qyzmette - 88 406 teńge belgilendi», - delingen habarlamada.
Budan basqa, iri jáne orta kásiporyndardaǵy ortasha aılyq ataýly jalaqy ústimizdegi jylǵy qyrkúıekte 149609 teńgeni qurady.
