Astanada Ortalyq Azııadaǵy eń úlken teńiz janýarlarynyń saıabaǵy ashyldy
ASTANA. QazAqparat - Otbasylyq oıyn-saýyq saıabaǵynyń jalpy aýmaǵy 7190 sharshy metr. Munda kórsetilim úshin úlken basseın qoıylǵan, qosymsha taǵy eki basseın - karantın jáne jarǵaqtabandylar úshin qarastyrylypty, 400 adamǵa arnalǵan trıbýna jáne múmkindigi shektelgen jandarǵa arnalǵan arnaıy oryndar bar, dep habarlaıdy Astana ákimdiginiń saıty.
Teńiz janýarlary parkiniń ártisteri 4 delfın (Afalın túri) jáne 3 teńiz mysyǵymen óner kórsetedi. 40-tan astam túrli element tańǵajaıyp shoý barysynda kórermen nazaryna usynylmaq. 
«EKSPO- 2017 halyqaralyq kórmesiniń ashylý qarsańynda búgin qalamyzda eń úlken teńiz janýarlarynyń parki ashylyp otyr. Bul mádenı-tarıhı oqıǵa. Óıtkeni, teńiz janýarlary qaıtalanbas, erekshe shoý kórsetedi. Búgin sharaǵa 400-ge jýyq búldirshin keldi, olardyń arasynda múmkindikteri shekteýli 100-ge jýyq balalar da bar», - dedi «Nur Otan» partııasy qalalyq fılıalynyń orynbasary Vladıslav Sergeev.
Qala turǵyny Lázzat Bersebaeva mundaı otbasylyq oıyn-saýyq saıabaǵyn alǵash kórip otyrǵanyn aıtty. Ol parkke eki balasymen kelgen. Delfınder men teńiz mysyqtarynyń ónerine balalar túgili úlkender de tańdaı qaqty.
