Astanada Ortalyq Azııada teńdesi joq opera jáne balet teatry salynyp jatyr - Darhan Myńbaı
ALMATY. 8 maýsym. QazAqparat - Astanada jalpy aýmaǵy 10 gektardy quraıtyn opera jáne balet teatry salynyp jatyr.
Ony Mádenıet jáne aqparat mınıstri Darhan Myńbaı búgin Almatydaǵy Qazaqtyń Muhtar Áýezov atyndaǵy memlekettik akademııalyq drama teatrynyń kórkemdik keńesiniń keńeıtilgen májilisinde aıtty.
«Jańadan salynatyn opera jáne balet teatrynyń bıiktigi 35 metr. Onda 2550 oryndyq kontsert zaly bolady. Qazir Ortalyq Azııada ondaı teatr joq», - deıdi D. Myńbaı. Mınıstrdiń aıtýynsha, elordada sondaı-aq, 62 myń sharshy metrlik ulttyq mýzeı salynyp jatyr. Onda 14 myń sharshy metrge bir mezgilde ekspozıtsııa jasap qaıtadan jınap alýǵa bolady. Bul nysandardyń qurylysy aǵymdaǵy jyly aıaqtalmaq.
