Astanada Ortalyq Azııa elderiniń radıologtaryn aýrýlardy dıagnostıkalaýdyń halyqaralyq standarttaryna oqytýda

ASTANA. QazAqparat - Búgin Astanada Radıologtardyń eýropalyq qaýymdastyǵynyń bastamasymen uıymdastyrylǵan «ESOR Astana Tutorial» atty Radıologtardyń ІІІ eýropalyq mektebi óz jumysyn bastady, dep habarlaıdy QR Densaýlyq saqtaý jáne áleýmettik damý mınıstrliginiń baspasóz qyzmeti.

Radıologtar eýropalyq mektebiniń maqsaty - Qazaqstan, Qyrǵyzstan, Tájikstan, Túrkmenstan jáne Ózbekstan elderi jas radıologtaryn áleýmettik máne bar aýrýlardy (júrek pen qantamyrlar patologııasy, ókpe týberkýlezi, qımyl-tirek apparaty jáne sút beziniń qaterli isigi) radıologııalyq dıagnostıkalaý halyqaralyq standarttary jáne radıatsııalyq qaýipsizdik boıynsha bilim berý bolyp tabylady.

Eki apta ishinde «ESOR Astana Tutorial 2015» qatysýshylary radıologııa salasyndaǵy Gretsııa, Belgııa, Shveıtsarııa, Reseı jáne Qazaqstannyń belgili mamandarynyń dáristerin tyńdaıtyn bolady. Dáris berýshilerdiń qatarynda Radıologtardyń eýropalyq mektebiniń dırektory, professor Nıkolas Goýrtsoıannıs, Reseı radıologtary qaýymdastyǵynyń prezıdenti, professor Valentın Sınıtsın, Qazaqstan radıologtary qaýymdastyǵynyń prezıdenti, professor Raýshan Raqymjanova jáne t.b. bar.

«ESOR Asatana Tutorial» radıologtardyń III eýropalyq mektebi Orta Azııa elderindegi dıagnostıkalaý qyzmetiniń damýyna yqpal etetin bolady.

Shara 17 maýsymǵa deıin jalǵasady.