Astanada Ortalyq Azııa elderiniń, Baltyq, Reseı, Qazaqstan jáne AQSh-tyń ınternatsıonalıst-jaýyngerleri ardagerler uıymdarynyń halyqaralyq forýmy bastaldy

dep habarlaıdy QazAqparat. 

Forýmǵa Ortalyq Azııa elderiniń, Baltyq, Reseı, Qazaqstan jáne AQSh elderindegi ınternatsıonalıst-jaýyngerler arlagerler uıymdarynyń 60-tan astam basshysy, «Nur Otan» partııasynyń ókilderi, qoǵamdyq jáne saıasaı qaıratkerler qatysýda.

Forýmnyń jumysy barysynda Uly Jeńistiń 65 jyldyǵyn atap ótýge arnalǵan is-sharalarǵa ınternatsıonalıst-jaýyngerlerdiń belsendi qatysýy jáne zapastaǵy polkovnık Borıs Kerembaevty Halyq Qaharmany ataǵyna usyný ótinishi talqylanyp, Qazaqstan ınternatsıonalıst-jaýyngerleriniń ardagerlik uıymyn nasıhattaýǵa eleýli úles qosqan arlagerler men basqa da tulǵalar TMD Úkimet basshylarynyń keńesi janyndaǵy Internatsıonalıst-jaýyngerlerdiń isi jónindegi komıtettiń estelik medaldarymen jáne «Nur Otan» partııasynyń alǵys hattarymen marapattaldy.

Sondaı-aq taraptar Ortalyq Azııa men Qazaqstandaǵy ardagerler uıymdarynyń yntymaqtastyǵy jónindegi memorandýmǵa qol qoıdy.

Aıta keteıik, 1979-1989 jyldar aralyǵynda Aýǵanstanǵa 22 myńnan astam qazaqstandyq attandy, olardyń 924-i - soǵys alańynda qaıtys bolsa, 115 - múgedek bolyp oraldy, 21 -  iz-túzsiz joǵalyp ketti. Qazirgi kúni Qazaqstanda Aýǵan soǵysyna qatysýshy 17 myń jaýynger turady.

Er júrek batyrlardyń esimimen Qazaqstannnyń 114 kóshesi men 68 mektebi atalǵan.