Astanada Ortalyq Azııadaǵy eń iri robototehnıka chempıonaty ótedi

ASTANA. KAZINFORM – Bıyl aqpannyń 23-25-i Astanada Central Asia FIRST Championship resmı chempıonaty ótedi. Oǵan álemniń 10 elinen 3000-nan astam oqýshy qatysady.

Qatysýshylar arasynda kóptegen memleketterden komandalar, onyń ishinde Gonkong, BAÁ, Túrkııadan keletin oqýshylar bar. Qazaqstandy irikteý chempıonattary barysynda kvota alǵan 200 komanda tanystyrady.

«Mundaı kólemdegi robototehnıka boıynsha chempıonat Qazaqstanda alǵash ret ótedi. Byltyr chempıonatqa 1200-ge jýyq oqýshy qatysty, bıyl qatysýshylar sany 2,5 ese kóp. Biz balalarymyz básekelestikti sezinýi úshin halyqaralyq myqty komandalardy shaqyrdyq», - dep bólisti USTEM Foundation qorynyń negizin qalaýshy Nurdáýlet Dosmaǵambet.

Mektep oqýshylary úsh negizgi jas sanaty boıynsha baq synaıdy: FLL Explore (6-10 jas), FLL Challenge (10-16 jas) jáne FIRST Tech Challenge (12-18 jas). Chempıonatta Robottar oıynynan basqa ınnovatsııalyq jobalar baıqaýy men tóreshiler sessııalary qamtylady.

Central Asia FIRST Championship jeńimpazdarynyń halyqaralyq jarystarǵa qatysýǵa lıtsenzııalar, baǵaly syılyqtar jáne qazaqstandyq ári sheteldik joǵary oqý oryndaryna granttar alýǵa múmkindikteri bolady.

Uıymdastyrýshylar: QR Oqý-aǵartý mınıstrliginiń jan-jaqty qoldaýymen USTEM Foundation jáne «Daryn» respýblıkalyq ǵylymı-praktıkalyq ortalyǵy