Astanada Ortalyq Azııa jastarynyń ekologııalyq vorkshoby ótedi
ASTANA. KAZINFORM — Vorkshop qorytyndysy boıynsha jastar komandalary óz jobalaryn mártebeli qazylar alqasyna tanystyrady. Olardyń jumysynyń nátıjeleri RES-2026 Óńirlik ekologııalyq sammıtiniń qorytyndy qujattaryna biriktiriletin Jastar málimdemesiniń negizine aınalady dep kútilýde.
Qazaqstan men Ortalyq Azııa elderinen kelgen 100-den astam jas eko-belsendiler men kóshbasshylar klımattyq daǵdaryspen kúresý úshin kúsh biriktiredi. 2026 jyldyń 24 sáýirinde Astanada aýqymdy Óńirlik ekologııalyq sammıt (RES-2026) aıasynda BUU Balalar qorynyń (ıÝNISEF) «Bolashaq ekojúıe: balalar men jastar turaqty damý sáýletshileri retinde» atty arnaıy jastar vorkshoby ótedi.
ıÝNISEF-tiń Oqý-aǵartý mınıstrligimen, sondaı-aq Ekologııa jáne tabıǵı resýrstar mınıstrligimen birlesip uıymdastyrǵan bul is-sharasy óńirlik ekologııalyq dıalog úshin biregeı alańǵa aınalmaq. Ortalyq Azııanyń túkpir-túkpirinen jınalǵan 16 men 25 jas aralyǵyndaǵy jastardy, BUU sarapshylaryn, bıznes jáne úkimet ókilderin qamtıtyn 150-ge jýyq qatysýshy qorshaǵan ortany qorǵaýǵa baǵyttalǵan praktıkalyq sheshimderdi birlese ázirleıdi.
— Balalar men jastar — búgingi qabyldanyp jatqan klımattyq sheshimderdiń saldarymen betpe-bet keletin jáne sol jaǵdaıda ómir súretin býyn. Bizdiń ıÝNISEF-tegi basty mindetimiz — olardyń úni joǵary deńgeıde estilýi úshin tıisti alań usyný. Ortalyq Azııa jastarynyń basyn qosý arqyly biz búkil aımaqtyń turaqty ári qaýipsiz bolashaǵyna ınvestıtsııa quıyp otyrmyz, — dedi ıÝNISEF-tiń Qazaqstandaǵy Ókili doktor Rashed Mýstafa Sarvar.
Pikirtalastyń basty taqyryptarynyń biri «Jasyl mektepter» óńirlik platformasy (RGSP) bolmaq. «Jasyl mektepterdi» damytý — ekologııalyq sanany qalyptastyrýdyń irgetasy retinde qarastyrylady. Qatysýshylar bilim berý mekemelerin turaqty damý ortalyqtaryna qalaı aınaldyrýǵa bolatynyn talqylaıdy. Mundaı ortalyqtarda balalar klımat týraly teorııalyq bilim alyp qana qoımaı, resýrstardy únemdeý tehnologııalaryn is júzinde qoldanyp, bolashaq mamandyqtaryna qajetti «jasyl» daǵdylardy meńgeretin bolady.
Mektepterden bólek, jas delegattar ınteraktıvti formatta sý resýrstaryn basqarý, ormandardy saqtaý, aınalmaly (tsıkldi) ekonomıkany damytý jáne klımattyq máselelerdi sheshýde jasandy ıntellekt múmkindikterin paıdalaný salalaryndaǵy sheshimder ústinde jumys isteıdi.
Aıta ketelik 60 myńnan astam qazaqstandyq ekovolonterlikke jumyldyrylǵan.
