Astanada órt sóndirýshiler qurylysy bitpegen úıdegi órtpen alysyp jatyr
ASTANA. QazAqparat – Astanada órt sóndirýshiler salynyp jatqan turǵyn úıdi sharpyǵan jalyndy oqshaýlady, dep habarlaıdy QazAqparat tilshisi qalalyq tótenshe jaǵdaılar departamentiniń baspasóz qyzmetine silteme jasap.
«11 mamyr kúni saǵat 15.01 shamasynda Astana qalasy tótenshe jaǵdaılar departamenti órt sóndirý bólimshelerine Aqmeshit-Syǵanaq kósheleriniń qıylysynda jańa ǵımarattan qara tútin kóringeni týraly habar tústi. Oqıǵa ornyna jetken órt sóndirýshiler salynyp jatqan turǵyn úı kesheniniń aýmaǵynda bıtým jáne syrtqy qaptamanyń janyp jatqanyn anyqtady», - delingen habarlamada.
Aqparatta aıtylǵandaı, órt saǵat 15.17-de oqshaýlandy.
Zardap shekkender joq.
Eske sala keteıik, biraz ýaqyt buryn elordanyń sol jaǵalaýynda salynyp jatqan turǵyn úı kesheni otqa oranǵanyn habarlaǵan edik.
