Astanada órt sóndirý-qutqarý sporty boıynsha qysqy chempıonat máresine jetti (FOTO)
ASTANA. QazAqparat - Astanadaǵy «Qulager» sport kesheninde órt sóndirý-qutqarý sporty boıynsha el boıynsha qysqy chempıonat máresine jetti. Elimizdiń ár óńirinen kelgen 28 quramanyń sportshylary eki sport túri boıynsha ózara synǵa tústi, dep habarlady QR ІІM TJ komıtetinen.
Saısta 4-qabattyń terezesine shabýyl satysy boıynsha kóterilý (erler) jáne oqý munarasynyń 2-qabatynyń terezesine shabýyl satysy boıynsha kóterilý (áıelder), 100 metrlik kedergileri bar jolaqty júgirip ótý.
Áıelder arasynda shabýyl satysy boıynsha kóterilýden birinshi oryndy astanalyq Baranık Kamıla jeńip alsa, 2-shi oryndy Ońtústik Qazaqstan oblysynan kelgen sportshy Kolotova Marına, 3-shi oryndy ShQO-dan kelgen Zınoveva Aleksandra ıelendi. Al erler arasynda shabýyl satysy boıynsha kóterilýden 1-shi oryndy Іlııasov Asylzat, 2-shi oryndy Agafonov Dmıtrıı (ShQO), 3-shi oryndy Sýleımenov Bahyt (Aqmola obl.) jeńip aldy. Qazaqstanda órt sóndirý-qutqarý sporty qarqyndy damyp keledi. Quramalar arasynda el ishinde de, shetelde de jarystar jıi uıymdastyrylyp turady. Ótken jyldyń qyrkúıek aıynda Almaty qalasynda órt sóndirý-qutqarý sporty boıynsha H-shy álem chempıonaty ótti, bul bizdiń elimizde sporttyń osy túrin jandandyrdy.Chempıonatta Qazaqstandyq qurama komanda erler arasynda jaýyngerlik qanat jaıý jarysynda úzdik atanyp, altyn medaldi qanjyǵalaryna baılaǵan bolatyn. Órt sóndirý-qutqarý (nemese órt - qoldanbaly) sport túri tózmdilikke, eptilikke, áreketterdi baqylaýǵa úıretetini belgili. 2013 jyly dúnıejúzindegi alǵashqy áıelder quramasy qurylǵan bolatyn, bul osy sporttyń damyp kele jatqandyǵynyń taǵy bir aıǵaǵy, delingen habarlamada.
