Astanada órt shyqqan kópqabatty turǵyn úıden 47 adam qaýipsiz aýmaqqa shyǵaryldy, adam shyǵyny bar
ASTANA. Qazannyń 5-i. QazAqparat - Astana qalasynda órt shyqqan kópqabatty turǵyn úıden 47 adam qaýipsiz aýmaqqa shyǵaryldy, adam shyǵyny bar. Bul týraly QR TJM-nan málim etti.
Oqıǵa dúısenbi, qazannyń 4-i kúni 22 saǵat 57 mınýtta Saryarqa aýdany Saryarqa dańǵylynda ornalasqan «Saryarqa» turǵyn úı kesheninde oryn aldy. Órt 9 qabatty turǵyn úıdiń jertólesinen shyqqan.
Tilsiz jaý Astana qalasy boıynsha TJD-nyń 17 adamy men 3 tehnıkanyń kúshimen bir saǵatqa jýyq ýaqytta aýyzdyqtaldy.
Bes sharshy metr aýmaqqa jaıylǵan jalyndy sóndirý barysynda 47 adam, onyń ishinde 10 bala qaýipsiz jerge kóshirildi.
Qutqarýshylardyń aıtýynsha, oqıǵa ornynan tulǵasy anyqtalmaǵan er adamnyń máıiti tabyldy.
