Astanada órt shalǵan 9 qabatty úıden 50 adam qaýipsiz aımaqqa kóshirilip, 2 adam aýrýhanaǵa jetkizildi
ASTANA. 5 qańtar. QazAqparat - Elordalyq «Almaty» aýdanynda 4-shi qańtardan 5-shi qańtarǵa qaraǵan túni Jumabaev kóshesindegi 9 qabatty úı órtendi.
Órt 4 qabat deńgeıindegi lıftiden shyqqan. Órt 03. saǵat 57 mınýt ketkende sóndirildi. Bul týraly QR TMJ-niń baspasóz qyzmeti habarlady.
Jalyndy aýyzdyqtaýǵa QR TJM Astana qalasynyń TJD 27 adamnan turatyn arnaıy quramy men órt sóndirý qyzmetiniń 6 tehnıkasy jumyldyryldy. 50 adam, onyń ishinde 15 bala qaýipsiz aımaqqa kóshirildi. Oqıǵa bolǵan jerde 56 jastaǵy er adam men 63 jastaǵy áıel adam gazdan ýlanyp, aýrýhanaǵa jetkizildi.
