Astanada órt saldarynan eki bala kóz jumdy
ASTANA. QazAqparat - Búgin túnde elordada órt eki balanyń ómirin jalmady.
Astana qalalyq tótenshe jaǵdaılar departamenti aqparatyna sáıkes, tótenshe jaǵdaı týraly habarlama túngi saǵat 00:39-da kelip túsken. Súmbe kóshesi boıyndaǵy jeke turǵyn úıden shyqqan órtti sóndirýge mamandar kelgen sátte baspananyń shatyry, dálizi qyzyl jalyn qushaǵynda bolǵan.
«Órt sóndirýshiler jarty saǵattyń ishinde qyzyl jalynnyń aldyn aldy. 1 saǵat 20 mınýttan keıin órt tolyǵymen óshirildi. Úıden 2004 jáne 2007 jyldary dúnıege kelgen eki balanyń múrdesi tabyldy. Órttiń shyǵý sebepteri anyqtalýda», - delingen habarlamada.
