Astanada órt kezinde erejeni buzǵan júrgizýshi jaýapkershilikke tartyldy

ASTANA.KAZINFORM – Elordadaǵy «Kórkem-3» turǵyn úı kesheninde bolǵan órt oqıǵasy kezinde jol júrisi qaǵıdalaryn buza otyryp turaqqa qoıylǵan avtokólik jedel túrde oqıǵa ornynan alynyp tastaldy.

Astana Polıtsııa departamenti málimetinshe, kólik júrgizýshisiniń jeke basy anyqtalyp, oǵan qatysty ákimshilik sharalar qoldanyldy.

– Quzyrly organdar azamattardyń qaýipsizdigine qaýip tóndiretin, sondaı-aq jedel qyzmetterdiń jumysyna kedergi keltiretin kez kelgen quqyq buzýshylyqtarǵa qatań túrde tosqaýyl qoıylady, – delingen habarlamada.

Aıta keteıik, Astanadaǵy turǵyn úı kesheninde órtten zardap shekken áıeldiń jaǵdaıy aýyr ekenin jazǵanbyz.

12 sáýirge qaraǵan túni Túrkistan kóshesinde ornalasqan 21 qabatty turǵyn úıdiń 15-qabatyndaǵy páterden órt shyqqan. Oqıǵa kezinde páter ishinde bir otbasy bolǵan. Órt saldarynan úsh bala mert bolyp, olardyń anasy aýyr jaraqatpen aýrýhanaǵa jetkizildi.

Sonymen qatar úsh bala qaza tapqan órtke qatysty qylmystyq is qozǵalǵan edi.