Astanada órt kezinde bala qazaǵa ushyrady
ASTANA. QazAqparat - Astanada órt kezinde bala qazaǵa ushyrady, dep habarlady elordalyq TJD baspasóz qyzmeti.
«6 qazanda 14 saǵat 08 mınýtta Á.Moldaǵulova kóshesi, 27G úıde ornalasqan jataqhanada órt shyqqany týraly habar kelip tústi. Alǵashqy órt sóndirýshiler bólimderi oqıǵa ornyna úsh mınýttan keıin jetti. Úıdegi jıhazdar, tóbesi janyp jatqany anyqtaldy», - delingen habarlamada.
Órt sóndirý barysynda balanyń denesi tabyldy, onyń kim ekeni anyqtalýda.
Avtobaspaldaq arqyly 10 adam, sonyń ishinde balalar qutqaryldy. 4 eresek adam jáne 2 bala aýrýhanaǵa jetkizildi. Órt aýmaǵy 50 sharshy metr jerdi sharpydy. Jalyndy sóndirýge 6 birlik negizgi jáne 3 arnaıy tehnıka, jeke quramnyń 30 adamy jumyldyryldy. Órttiń sebebi jáne materıaldyq shyǵyn kólemi anyqtalýda.
