Astanada órt kezinde 8 adam qaza tapqan
ASTANA. QazAqparat - Elordamyzda bıyl tilsiz jaýdyń saldarynan 8 adam mert bolǵan, dep habarlaıdy «QazAqparat» HAA tilshisi astanalyq ákimdiktiń medıa ortalyǵyna silteme jasap.
Órt saldarynan qaza tapqandardyń sany byltyr 13 bolsa, bul kórsetkish byltyrǵymen salystyrǵanda 38%-ke tómendegen.
Astana qalasy TJD ÓQ BjPQB tehnıkalyq normalaý bóliminiń bas mamany Qaıyr Nurǵazınovtyń aıtýynsha, órt kóbinese Astanadaǵy jeke úılerden shyǵady.
Kúnniń sýytýyna baılanysty astanalyq TJD qala turǵyndaryn órt qaýipsizdik erejelerin saqtaýdy eskertedi. «Eń birinshi peshti jylytýdy retke keltirý kerek. Onyń ishinde tútin shyǵatyn murjada jaryqshaqtar, synyqtar paıda bolyp, órttiń shyǵýyna sebep bolýy múmkin», - deıdi Q.Nurǵazınov.
Peshti paıdalaný kezinde peshtiń aldyna otyndy úıip qoımaýǵa, kıim keptirýge, basqa da zattardy jaqyn qoıýǵa tyıym salynady.
«Kún sýytqan kezde jylý rettegishi bar zaýyttan shyqqan elektr qondyrǵylaryn paıdalanǵan durys», - dep atap ótti ol.
