Astanada ornalasqan barlyq kásiporyndardaǵy jaryq shamdary energoúnemdegish shamdarǵa aýystyrylady
ASTANA. Qańtardyń 25-i. QazAqparat /Jasulan Amanbaıuly/ - Astana qalasynda ornalasqan barlyq kásiporyndar men memlekettik mekemelerde jaryq shamdaryn energoúnemdegish shamdarǵa aýystyrý josparlanýda.
Bul týraly búgin Astana qalasynyń energetıka jáne kommýnaldyq sharýashylyq basqarmasynyń bastyǵy Qýanysh Beısenbınov málim etti, dep habarlaıdy QazAqparat.
«Astana óziniń qarqyndy damýynyń esebinen elektr jáne jylý energııalarynyń jetispeýshiligin sezinýde. Sondyqtan biz energııa únemdeý sharalaryn - energııanyń qosymsha kózi dep bilemiz. Energııa qorynyń 25-30 paıyz bóligin saqtaı otyryp, biz onyń ústinen osyǵan para-par energııa shyǵara alatyn múmkindik alamyz. Sondyqtan bul óte mańyzdy másele jáne budan ary osy máselemen aınalysa beretin bolamyz», dedi Q. Beısenbınov.
«Jaqyn arada Astana qalasynda ornalasqan barlyq kásiporyndar men memlekettik mekemelerde jaryq shamdaryn energoúnemdegish shamdarǵa aýystyrýdy josparlap otyrmyz. Únem shamamen 80 paıyz bolady. Biz tek qana kásiporyndardy ǵana emes, qala turǵyndaryn osy bir úlgi boıynsha energoúnemdegish shamdardy qoldanýǵa úndeımiz", dep atap kórsetti ol.
