Astanada «Órkenıetter dıalogy: túrkilik trend» konferentsııasy ótedi
ASTANA. 21 maýsym. QazAqparat - Erteń, 22 maýsym kúni saǵat 11.00-de «Órkenıetter dıalogy: túrkilik trend» atty konferentsııa ótedi.
«Ult Times» qoǵamdyq-saıası aptalyǵy men «Taǵylym» mádenı-taǵylymdyq klýbynyń uıytqy bolýymen ótetin jıynnyń basty maqsaty - órkenıetter dıalogynyń qalyptasýyna úles qosý. Otandyq jáne shetel sarapshylary arasynda túrki álemi, mádenıet, jahandyq rýhanı máseleler týrasynda pikirtalas týdyrý arqyly túrki dúnıesiniń ortaq qundylyqtaryn aıqyndaý.
Jıynǵa Qazaqstan men Reseıdiń belgili saıasattanýshylary men qoǵam qaıratkerleri qatysady dep kútilýde. Sondaı-aq konferentsııaǵa Qazaqstan Respýblıkasy Májilisiniń depýtattyq korpýsy ókilderi qatysyp, N.Erimbetov, A.Sarym, S.Qasymov Sh.Ybyraev, E.Saırov, T.Eshenuly, T.Ábdijapparov, A. Nyǵmetov syndy belgili sarapshylar sóz sóıleıdi.
Jıyn qonaǵy, Reseıdiń belgili qoǵam qaıratkeri, saıasattanýshy Rýstam Arıfjdanov «Túrki órkenıetiniń búgingi álemdegi orny» atty taqyrypta qysqasha baıandama jasaıdy.
