Astanada orıgamıdiń kómegimen sal balalardy saýyqtyrýdyń art-sabaqtary ótti
Oǵan «Balam-aı» balalardy damytý ortalyǵynyń 20-dan astam ortalyq júıke júıesiniń sal aýrýyna shaldyqqan jetkinshekteri qatysty.
Atalmysh shara QR Tuńǵysh Prezıdentiniń murajaıynyń, Astana qalasynyń Múgedek balalar qoǵamy qoǵamdyq birlestiginiń jáne «Dýman» saýda jáne oıyn-saıyq ortalyǵynyń «OkeanArt» art-terapııa shyǵarmashylyq ortalyǵynyń uıymdastyrýymen ótýde.
«Ózderiniń shekteýli múmkindikteri men densaýlyqtaryna qaramastan, bizdiń balalar eń abyroıly, teń quqyly, áleýmettik mańyzdy bolyp tabylady. Óıtkeni olar tózimdi, eńbekqor jáne óte daryndy. Art-terapııa sııaqty qyzyqty jobalar bizdiń balalarymyzdyń ómirine jarqyn jańashyldyqtar ákeledi», - deıdi «Balam-aı» balalardy damytý ortalyǵynyń jetekshi mamany Bátıma Áýbákirova.
Onyń aıtýynsha, «OkeanArt» bazasynda ótkiziletin art-saýyqtyrý ádisteri sal bolyp qalǵan balalardyń damýyna zor paıdasyn tıgizedi.
«Tájirıbeli mamandardyń jetekshiligimen ótetin art-terapııa sabaqtary sal aýrýyna shaldyqqan balalardyń senimdiligin arttyrady, qorqynysh sezimin joıýǵa kómektesedi jáne usaq motorıkany damytady. Búgin balalar maıly boıaýmen sýret salyp, «orıgamı» jasaý ónerimen tanysyp jatyr. Bul bilek pen saýsaqtardaǵy óte názik bulshyq etterdiń damýyna óte jaqsy», - deıdi ol.
