Astanada Oralhan Bókeıdiń aǵylshyn tilindegi «Kisi kıik» kitabynyń tusaýy kesildi
ASTANA. QazAqparat - Elordada qazaqtyń birtýar qalamgeri Oralhan Bókeıdiń aǵylshyn tilindegi «Kisi kıik» kitabynyń tusaýyk esildi, dep habarlaıdy «QazAqparat» HAA tilshisi.
Astanadaǵy «Marrıott» qonaq úıinde ótken tusaýkeserge Qazaqstan Memlekettik syılyǵynyń laýreaty Álibek Asqar men elimizge belgili jazýshylar Qýanyshbaı Qurmanǵalı, Kádirbek Segizbaev keldi. Sonymen birge, aıtýly sharaǵa kitapty aýdarǵan Saımon Hollıngsvort pen Saımon Geıgan Londonnan arnaıy ushypkelip, sharaǵa qatysty.
Halyqaralyq Qazaq PEN klýbynyń prezıdenti, belgili pýblıtsıst Bıgeldi Ǵabdýllınniń aıtýynsha, jazýshynyń kitabyn aǵylshyn tiline aýdarýǵa «Qazaqtelekom» AQ demeýshilik etken. Bıgeldi Ǵabdýllın aǵylshyn tilindegi basylǵan kitapty eń birinshi jazýshynyń qaryndasy Ǵalııa Bókeıqyzyna syılady.
.
«Halyqaralyq Qazaq PEN klýbynyń prezıdenti bolyp kelgeli aldymyzǵa bir maqsat qoıdyq. Biz ádebıetin ǵana emes, qazaqtyń ózin áli de tolyq tanyp jatyr dep aıta almaımyz. Abaıymyzdy bilmeıdi. Sondyqtan, bizdiń ádebıetimizdi álemgetanytýdyń bir ǵana joly bar - ol qazaqtyń tanymal aqyn-jazýshylarynyń kitaptaryn aǵylshyn tiline aýdarý. Seniń jazýshy retinde aǵylshyn tilinde kitabyń shyqpasa, sen dúnıe júzinde joqsyń. Londondaǵy aýdarma sheberleriniń sapaly jumysy baǵalanyp, osy eldegi ulttyq ádebıettiń eń sátti aýdarylǵan týyndylarynyń qataryna enip otyr. Endi Londondaǵy Penguin baspasy óziniń qarjysymen Muhtar Áýezovtyń kitabyn basyp, aýdarmashylarǵa qalamaqysyn bergeli otyr», - deıdi Bıgeldi Ǵabdýllın.
Aıta ketsek, osy ýaqytqa deıin Qazaq PEN klýby demeýshilerdiń kómegimen aǵylshyn tilinde Muqaǵalı Maqataevtyń «Tańdamaly óleńderi», Berdibek Soqpaqbaevtyń «Meniń atym Qoja», Ábish Kekilbaevtyń «Ańyzdyń aqyry», Oljas Súleımenovtyń, Gerold Belger men Smaǵul Elýbaıdyń kitaptaryn basyp shyǵarǵan.
