Astanada onnan astam páterdi tonaǵandar ustaldy
ASTANA. QazAqparat - Astanada 10-nan astam páterdi tonaǵan eki jigit qolǵa tústi, dep habarlady elordanyń ІІD baspasóz qyzmetinen.
«Jedel izdestirý sharalary barysynda krımınaldyq polıtsııa basqarmasynyń qyzmetkerleri páter tonady degen kúdikpen Astana qalasynyń R. esimdi turǵyny jáne Oral qalasynyń A. degen azamatyn ustady. Ekeýi de 1995 jyly týylǵan», - delingen habarlamada.
Ustalǵandar saıajaıdaǵy úılerge kirip, noýtbýk, uıaly telefon, aqsha urlaǵan. Tergeý barysynda polıtsııa qyzmetkerleri kúdiktiler sáýir aıynan bastap tereze torlaryn buzyp, qulyptardy syndyryp, Astana mańynda 10-nan astam osy tárizdi qylmystardy jasaǵanyn anyqtady. Olardy ustaǵan kezde urlanǵan zattardyń bir bóligi tárkilendi. Qazir olar Astana qalasynyń ІІD ýaqytsha ustaý oqshaýlaǵyshyna toǵytyldy. Bul fakti biryńǵaı sot aldy tergeý tizilimine «Urlyq» baby boıynsha engizildi. Tergeý júrgizilýde.
