Astanada onkologııalyq aýrýlarǵa shaldyqqan balalar úshin «Kúlki terapııasy» ótkizildi
ASTANA. QazAqparat - Elordadaǵy Ana men bala ulttyq ǵylymı ortalyǵynda onkologııalyq aýrýlarǵa shaldyqqan balalardy qoldaýǵa baǵyttalǵan «Kúlki terapııasy» aktsııasy ótkizildi. Balalar saıqymazaqtarmen oınap, kontsertke qatysty. Shara sońynda olarǵa syılyqtar taratyldy, dep habarlaıdy elorda ákimdiginiń resmı saıty.
«Bul ádisteme kóptegen memleketterde qoldanysqa engizilgen. Emdelýshilerge dástúrli medıtsınalyq kómekten basqa, kúlki terapııasy nemese saıqymazaqtar terapııasy júrgiziledi. Bul ádis Qazaqstanda da engizilip jatyr. Sondyqtan osy aktsııany ótkizýdi uıǵardyq», - dedi onkologııalyq dıspanserdiń bas dárigeriniń uıymdastyrý-ádistemelik jumystar jónindegi orynbasary Baǵdash Mustafına. Ádistemeniń mán-maǵynasyna toqtalǵan ol kúlki terapııasynyń balalardy emdeýdegi yqpalynyń zor ekenin atap ótti. «Saıqymazaqtar balalarmen jumys isteıdi, áńgimelesedi, oınaıdy, sonyń nátıjesinde aýrýdyń sındromy azaıady. Kúlki terapııasynyń balanyń densaýlyǵynyń jalpy jaǵdaıyn jaqsartatyny belgili. Ol ımmýndyq júıeni, qan aınalymy júıesin nyǵaıtyp, onyń saýyǵyp ketýine áserin tıgizedi», - dedi ol. Onkologııalyq aýrýlarǵa shaldyqqan balalar medıtsınalyq mekemede uzaq ýaqyt emdeletini belgili. Sondyqtan kún saıyn osynaý azýly syrqatpen arpalysqan balalardyń ómirin jeńildetý úshin osyndaı aktsııalardy júıeli túrde ótkizý asa mańyzdy.
