Astanada onkologııa máseleleri boıynsha OA elderiniń konferentsııasy ótedi

ASTANA. QazAqparat – 6-8 qyrkúıekte Astanada alǵash ret «Ortalyq Azııa onkologııalyq aptalyǵy» halyqaralyq ǵylymı-praktıkalyq konferentsııasy ótedi, dep habarlaıdy QazAqparat Densaýlyq saqtaý mınıstrligi baspasóz qyzmetine silteme jasap.

Konferentsııa barysynda hırýrgııanyń ózekti máseleleri boıynsha Ortalyq Azııanyń, jaqyn jáne alys shetelderdiń jetekshi mamandarymen tájirıbe almasý, spýtnıktik sımpozıýmdar ótkizý, qazaqstandyq tájirıbege onkologtardyń halyqaralyq tájirıbesin keńinen engizý jáne tanymal etýge baǵyttalǵan stendtik baıandamalarmen tanysý jáne talqylaý josparlanyp otyr.

Qazaqstan, Ózbekstan, Túrkııa, Reseı, Belarýs, Ulybrıtanııa, Germanııa, AQSh jáne Ońtústik Koreıadan spıkerler qatysady dep josparlanǵan.

Konferentsııada myna máselelerdi talqylaý josparlanǵan: densaýlyq saqtaý jáne medıtsınalyq quqyq, radıatsııalyq onkologııa jáne ıadrolyq medıtsına, onkologııadaǵy dárilik terapııaǵa derbestendirilgen tásilder, onkologııalyq naýqastarǵa pallıatıvtik jáne qoldaýshy kómek, onkologııadaǵy qarqyndy jáne notsıtseptıvtik terapııa, ártúrli lokalızatsııadaǵy isikterdi emdeýdegi hırýrgııalyq tásilderdi ońtaılandyrý (sút bezi obyry, onkogınekologııa, onkohırýrgııa, onkoýrologııa, onkogepatologııa), onkologııadaǵy meıirger isiniń úshtigi: praktıka, bilim jáne ǵylym.

Uıymdastyrýshylar – Ulttyq ǵylymı onkologııa ortalyǵy, «Onkolog-hırýrgtar qoǵamy» QB.

Іs-shara QR Densaýlyq saqtaý mınıstrliginiń qoldaýymen ótedi.

Konferentsııa gıbrıdti rejımde (off-line alań on-line is-shara platformasy), qatysý formaty kúndizgi (baıandama, posterlik baıandama), syrttaı (tezısterdi jarııalaý), translıatsııa tili - qazaq, orys, aǵylshyn tilderinde ótedi.

Konferentsııa bastalǵan kúnnen medıtsınalyq tehnıkany, dárilik preparattardy jáne medıtsınalyq maqsattaǵy buıymdardy óndirýshi jetekshi fırmalardyń kórmesi jumys isteıtin bolady.

Konferentsııa baǵdarlamasymen myna silteme boıynsha tanysýǵa bolady: https://kz-oncoconf.org/