Astanada óńirlerdi damytý týraly halyqaralyq konferentsııa ótedi
ASTANA. QazAqparat - Astanada 15 mamyr kúni «Qazaqstannyń óńirlerin damytýdyń múmkindikteri, sharttary men usynystary» atty halyqaralyq konferentsııa ótedi, dep habarlaıdy QR ÓDM baspasóz qyzmetinen.
Konferentsııa «Qazaqstannyń óńirlik damýy» atty EO jobasynyń QR Óńirlik damý mınıstrligimen birlesip uıymdastyrylady.
«Sharaǵa qatysýshylar Qazaqstandaǵy mıkro jáne startap kásipkerlikter, arnaıy ekonomıkalyq jáne ındýstrııaldy aımaq, shaǵyn jáne monoqalalar, ortalyq jáne aımaqtyq memlekettik organdardyń qatynasy salasyndaǵy óńirlerdi damytý ádisteri, múmkindigi men bolashaǵy jaıly óz oılaryn ortaǵa salady.
Halyqaralyq sarapshylarmen qatar konferentsııaǵa qatysýshylar óńirlik damý máselesi boıynsha negizgi usynystar men tujyrymdamalardy qamtıtyn birlesken rezolıýtsııa daıyndaıdy.
Konferentsııa baǵdarlamasy plenarly otyrys, mıkro jáne startap kásipkerlikter, arnaıy ekonomıkalyq jáne ındýstrııaldy aımaq, shaǵyn jáne monoqalalar, ortalyq jáne aımaqtyq memlekettik organdardyń tıimdi qarym-qatynasy úshin qajetti sharttardy daıyndaý men mehanızmderin jetildirý baǵyttary boıynsha túrli sektsııalardy qamtıdy», - dep jazylǵan habarlamada.
