Astanada Óńirlerdi damytý baǵdarlamasy sheńberinde 280-nen asa páter tapsyryldy
ASTANA. QazAqparat - 2016 jyldyń basynan beri Qazaqstan elordasynda 2020 jylǵa deıin Óńirlerdi damytý baǵdarlamasyn iske asyrý sheńberinde (budan buryn «Qoljetimdi baspana - 2020») 281 páter berildi.
«179 páter halyqtyń barlyq sanattary úshin «Qazaqstannyń Turǵyn úı qurylys jınaq banki» AQ jelisimen, 102 páter - páterge kezekte turǵandarǵa «Samuryq-Qazyna» Jyljymaıtyn múlik qory» AQ arqyly», - dep habarlady elordalyq Turǵyn úı sharýashylyq basqarmasy.
Sondaı-aq, basqarmadaǵylardyń atap kórsetýinshe, memlekettik turǵyn úı qurylysy baǵdarlamasy sheńberinde qaıtarymdy páterler esebinen baspana berý boıynsha jumys jalǵasyn tapty, onyń qorytyndysy boıynsha 2016 jyly halyqtyń basymdyqty toptaryna: memlekettik qyzmetkerlerge, memlekettik kásiporyndardyń jáne mekemelerdiń jumyskerlerine, jas otbasylarǵa 179 páter berildi.
2020 jylǵa deıingi Óńirlerdi damytý baǵdarlamasy Qazaqstan Respýblıkasy Prezıdentiniń Jarlyǵymen eldiń ońtaıly aýmaqtyq uıymdastyrylýyn qalyptastyrý arqyly óńirlerdi áleýmettik-ekonomıkalyq damytý úshin jaǵdaı jasaý, halyqtyń jáne kapıtaldyń ekonomıkalyq ósim ortalyqtaryna shoǵyrlanýǵa yntalandyrý maqsatynda ázirlendi, dep habarlaıdy elorda ákimdiginiń resmı saıty.
