Astanada óńirlerden kelgen 50 muǵalim syn turǵysynan oılaý daǵdylarynyń arnaıy ádisterin meńgermek
ASTANA. 13 shilde. QazAqparat - Astanadaǵy muǵalimder mektebi elimizdiń barlyq aımaǵynan 50 pedagogtyń basyn qosady.
Elordaǵa biliktiligin kóterý úshin elimizdiń barlyq aımaqtaryndaǵy jalpy bilim beretin mektepterden 50 muǵalim keledi. Bul týraly astana.kz saıtyna Nazarbaev Ýnıversıtetiniń Kommýnıkatsııa jáne marketıng departameninen málim etti.
Muǵalimderdiń biliktiligin arttyrý kýrstary munda úshinshi ret ótkizilip otyr. 2011 jyly Kembrıdj ýnıversıtetiniń halyqaralyq emtıhandar departamentiniń (University of Cambridge International Examination) jattyqtyrýshylarymen birge qazaqstandyq mektep oqytýshylaryna «Synı turǵydan oılaý daǵdylaryn damytý ádisteri» kýrsy ótkizildi. Kýrstyń barysynda respýblıkanyń ár óńirinen jınalǵan arnaıy jáne jalpy bilim beretin mektepterdiń 50 muǵalimi syn turǵysynan oılaý daǵdylarynyń arnaıy ádisterin meńgerdi.
2012 jyly Qazaqstannyń 12 aımaǵynan 100 muǵalim biliktilik arttyrý kýrsynan ótti. Kýrs sońynda oqytý nátıjeleri boıynsha jáne muǵalimderdiń zertteý jumystary men tájirıbelik áreketterinen týyndaǵan ǵylymı maqalalar jınaǵy shyǵaryldy. Kýrsqa qatysqandardyń jańa ıdeıalary men zerttemelerin endi tek olardyń avtorlary ǵana emes, sondaı-aq basqa da qazaqstandyq mektep muǵalimderi paıdalanyp otyr.
Endi Nazarbaev Ýnıversıtetiniń Joǵary bilim berý mektebinde, muǵalimderdiń biliktiligin arttyrý kýrsynyń kezekti ashylý rásimine oraı QR bilim berý júıesi týraly ashyq lektsııa ótedi. Osy joly biliktilikti arttyrý kýrsyna respýblıkanyń ár aımaǵynan jalpy bilim berý mektepteriniń 50 muǵalim keldi.
«Bizdiń Mektepte muǵalimderdiń biliktiligin arttyrýǵa barlyq múmkindikter jasalǵan tolyqqandy jáne alýan-túrli baǵdarlamalar men jetildirilgen ınfraqurylym bar. Biz kúrdeli baıqaý júrgizý arqyly Ulybrıtanııa, AQSh, Kanada, Fınlıandııa sııaqty bilim salasynda jetekshi oryn alatyn elderden eń úzdik oqytýshylardy jumysqa tartamyz», -dedi Joǵary bilim berý mektebiniń bas atqarýshy dırektory Aıda Saǵyntaeva.
Sonymen qatar, byltyr tuńǵysh ret JOO basshylaryna biliktiligin arttyrý úshin «Derbestik jaǵdaıynda korporatıvtik basqarýdyń úzdik tájirıbeleri» baǵdarlamasy júzege asyryldy. Ózderiniń biliktiligin arttyrý úshin qazaqstandyq JOO-nyń 20 rektory men prorektory ýaqytsha stýdentter retinde Nazarbaev Ýnıversıtetinde bilim aldy.
Túlekterdiń aıtýyna qaraǵanda, muǵalimderdiń biliktiligin arttyrý kýrstary tek bilim berý sapasyn jetildiretin tehnologııalardy ıgerý men aǵylshyn tilinde dáris alý arqyly til deńgeıin kóterý ǵana emes, sonymen qatar áriptesterge ózara kásibı tájirıbe almasýǵa óte qolaıly alań bolyp tabylady.
