Astanada ónerkásiptik alpınısterdiń mert bolýy: JK basshysy qamaýǵa alyndy
2023 jyldyń 12 qazanynda Astana qalasynda tórt ónerkásiptik alpınıst bıiktikten qulap, olardyń úsheýi qaıtys boldy, dep habarlaıdy Kazinform QR Bas prokýratýrasynyń baspasóz qyzmetine silteme jasap.
Polıtsııa departamenti QK-tiń 277-shi babynyń 3-bóligine («Abaısyzda eki nemese odan da kóp adamnyń ólimine ákep soqqan qurylys jumystaryn júrgizý kezinde qaýipsizdik qaǵıdalaryn buzý») sáıkes sotqa deıingi tergep-tekserý júrgizýde.
Tergeý barysynda jumys berýshi – JK basshysynyń qyzmetkerlerdiń qaıtys bolýyna qatysy bar ekendigi týraly dálelder jınaldy.
Qala prokýratýrasynyń tapsyrmasy boıynsha tergeý organy JK basshysyna qatysty «kúzetpen ustaý» túrindegi bultartpaý sharasyn qoldandy.
Quqyq buzýshylyqqa qatysy bar barlyq adamdardy anyqtaý boıynsha jumystar júrgizilýde.
Qylmystyq isti tergeý barysy qala prokýratýrasynyń baqylaýynda.
