Astanada ónerkásipti tsıfrlandyrýǵa arnalǵan Demo Day ótedi
ASTANA. KAZINFORM — 23 qyrkúıek kúni Astana Hub alańynda ónerkásipti tsıfrlandyrýǵa arnalǵan Demo Day uıymdastyrylady, dep habarlaıdy Ónerkásip jáne qurylys mınıstrligi.
Іs-sharany QR Ónerkásip jáne qurylys mınıstrliginiń qoldaýymen «QazIndustry» Qazaqstandyq ındýstrııa jáne eksport ortalyǵy jáne Astana Hub birlesip ótkizedi. Shara Qazaqstannyń ónerkásiptik kásiporyndarynda qoldanylatyn jasandy ıntellekt jáne tsıfrlyq tehnologııalar salasyndaǵy praktıkalyq sheshimderdi tanystyrýǵa baǵyttalǵan.
Іs-sharaǵa QR ÓQM Ónerkásip komıtetiniń ókilderi, «QazIndustry» AQ, jetekshi ónerkásiptik jáne IT kompanııalar, sondaı-aq Astana Hub rezıdentteri qatysady.
Demo Day alańynda ónerkásip salasynda jasandy ıntellektini damytý máseleleri talqylanady. Qatysýshylar óndiristik saıasatty iske asyrý úshin qajetti aqparatty jınaý men óńdeý úderisterin avtomattandyrýǵa arnalǵan tsıfrlyq sheshimderdi qarastyrady, salalyq analıtıkamen jáne damý boljamdarymen almasady. Sondaı-aq qazaqstandyq ónerkásiptik kásiporyndarda jasandy ıntellektini engizýdiń tabysty tájirıbeleri tanystyrylady.
Іs-sharada Industrial AI Accelerator baǵdarlamasy tanystyrylady. Bul baǵdarlama jasandy ıntellektke negizdelgen sheshimderdi ónerkásipke engizýge baǵyttalǵan. Ol iri kásiporyndar men IT-mamandardy biriktirip, pılottyq jobalardy iske qosýǵa, jańa tehnologııalardy naqty óndiriste synaqtan ótkizýge jáne tabysty jasandy ıntellekt jobalaryn keńinen qoldanýǵa múmkindik beredi.
Osydan buryn Astanada qaýipsizdik sharalary kúsheıtilgenin jazǵanbyz.