Astanada óndiriletin jylý oqshaýlaǵysh qospalar Ortalyq Azııa naryǵyna shyǵarylady
«Qurmetti Prezıdent myrza! Polshanyń Selena kompanııasynyń búkil álemde, onyń ishinde Eýropa, Ońtústik Amerıka jáne Azııada 15 óndiristik kásiporny bar. Búgin biz Astanadaǵy zaýyt olardyń qataryndaǵy eń zamanaýı ekendigin aıryqsha maqtanyshpen aıtamyz. Bizdiń ónimimiz - úılerdiń jylýyn oqshaýlaýǵa arnalǵan zamanaýı qospalar. Ónimniń 40 paıyzy Ortalyq Azııa men Reseıge eksportqa shyǵarylatyn bolady», - dedi Selena Tobynyń prezıdenti Kshıshtof Domaretskı.
Onyń atap ótýinshe, óndiris oshaǵynda 70 adam eńbek etedi. Olardyń basym bóligi Polshada oqyp keldi.
«Prezıdent myrza! Sizdi Qazaqstan Táýelsizdiginiń 25 jyldyǵymen quttyqtaımyn. Sizdiń arqańyzda Qazaqstan Ortalyq Azııadaǵy ınvestıtsııa úshin úzdik ári barynsha básekege qabiletti elge aınaldy. Biz Qazaqstan ekonomıkasynyń jáne qazaqstandyq-polshalyq yntymaqtastyqtyń nyǵaıýyna óz úlesimizdi qosqanymyz úshin qýanyshtymyz. Іske qosýǵa ruqsat berseńiz», - dedi ol.
«Aǵymdaǵy jyly men Polshaǵa sapar jasadym. Bizdiń kelissózderimizde yntymaqtastyǵymyzdy odan ary damytý máseleleri kóterildi. Bul óte jaqsy úlgi bolarlyq jaıt. Bizdiń Úkimetimiz ben jergilikti atqarýshy organdarymyz bıznesterińizge, qurylys jumystaryńyzǵa kómek kórsetýde», - dedi Elbasy.
QR Prezıdenti buǵan deıin Polsha kompanııalary Shymkentte farmatsevtıka salasynda tabysty jumys istegendigin atap ótti.