Astanada on jeti kúnniń ishinde lıýlı halqyna jatatyn 135 adam anyqtalyp, el aýmaǵynan shyǵaryldy - qala ákimi

Bul týraly óziniń jeke blogynda turǵyndardan kelip túsken saýldarǵa jaýap bergen elorda ákimi Imanǵalı Tasmaǵambetov málim etti.

Ákimge hat jazǵan elordalyq turǵyn O.Eskendirovtyń aıtýynsha, sońǵy ýaqyttary Astananyń kóshelerinde qaıyrshy-syǵandar kóptep kezdese bastady. Kósheniń ortasynda kólik júrgizýshilerinen, áleýmettik nysandardyń aldynda júrginshilerden sadaqa surap, turǵyndardyń mazalaryn alady. Onyń pikirinshe, qaıyrshylyqpen ómir keshetin mundaı adamdar elordanyń bedeline nuqsan keltiredi.

I.Tasmaǵambetovtyń aıtýynsha, beıáleýmettik ómir keshetin, lıýlı halqyna jatatyn Ózbekstan azamattaryn Astanadan deportatsııalaý Іshki ister departamenti qyzmetkerleri ótkizetin shuǵyl-aldyn alý is-sharalarynyń nátıjesi boıynsha jylyna birneshe ret júzege asyrylady.

«Sońǵy ret mundaı is-sharalar 1-17 qyrkúıek aralyǵynda júrgizildi. Onyń barysynda 135 adam, sonyń ishinde 35 bala anyqtalyp, turaqty turǵylyqty jerlerine jóneltildi. Onymen birge, olardy anyqtaý boıynsha jumystar toptasyp ómir súretin jáne júrýi múmkin jerlerde, atap aıtqanda, «Sharyn» men «Ortalyq» bazarlarynda, «Baq» saýda úıiniń, Respýblıka, Jeńis dańǵyldarynyń, Sofıev kúre jolynyń, Beıbitshilik, Qaraǵandy, Zataevıch, Ýálıhanov, Qoshqarbaev, Maıkótov, Sennaıa kósheleri men meshitter aýmaqtarynda kúndelikti júrgiziledi», - dep atap ótti ákim.

Qala basshysynyń aıtýynsha, ókinishke qaraı, deportatsııalanǵannan keıin olar átúrli aıla-tásildermen Astanaǵa qaıta kelip, kelesi ret ustalyp deportatsııa jasalǵanǵa deıin tilemsektikpen aınalysýdy jalǵastyrady.

«Lıýlı halqynyń mentalıteti sol, olar ne Qazaqstannyń zańdaryna, ne halyqaralyq kelisimderdiń normalaryna moıynsunbaıdy. Sondyqtan olardy Astanadan túbegeıli ketirý ońaı emes. Biraq bul másele ishki ister organdarynyń udaıy jiti nazarynda», - dep túıindedi I.Tasmaǵambetov.