Astanada oń jaǵalaýdaǵy kóshelerdiń qıylysy ishinara jabylady
ASTANA. KAZINFORM — Astanada S. Seıfýllın jáne Á. Sembınov kósheleriniń qıylysynda jol tósemin jóndeý jumysy júrgiziledi, dep habarlaıdy elorda ákimdiginiń resmı saıty.
Osyǵan baılanysty aǵymdaǵy jylǵy 5-7 qyrkúıek aralyǵynda atalǵan ýchaskede kólik qozǵalysy ishinara jabylatyn bolady.
— Júrgizýshiler men jaıaý júrginshiler júrý baǵytyn aldyn ala josparlaýy jáne yqtımal ózgeristerdi eskerýi qajet. Qaýipsizdikti qamtamasyz etý jáne qolaısyzdyqty azaıtý úshin ýaqytsha jol belgileri men kórsetkishter ornatylatyn bolady, — delingen habarlamada.
Budan buryn Astanada 1-10 qyrkúıek aralyǵynda N. Tilendıev dańǵylynyń Kóktal kóshesinen Máskeý kóshesine deıingi aralyǵynda jol tóseminiń joǵarǵy qabatyn salý jumysy júrgiziletini belgili boldy.
