Astanada omyrtqa aýrýyn jańa neıromodýlıatsııa tásilimen emdeý talqylandy
ASTANA. 30 qańtar. QazAqparat - Neıromodýlıatsııa (fýnktsıonaldy neırohırýrgııa) - medıtsınadaǵy jańa baǵyt. Bul ádistiń tıimdiligi men omyrtqany emdeý úshin qoldanylýy týraly Respýblıkalyq neırohırýrgııa ǵylymı ortalyǵynyń dırektory Chıngız Shashkın elordada «Nevrologııa jáne neırohırýrgııa. Qazirgi zamanǵy strategııa» taqyrybynda ótken dóńgelek ústel barysynda aıtty, dep habarlady astana.kz saıty.
Neıromodýlıatsııanyń máni aýrýy asqynǵan adamnyń terisiniń astyna qurylǵy ornatý. Osy qondyrǵymen dárigerler patsıenttiń ortalyq júıke júıesi arqyly terapevtik emdeý tıimdiligine qol jetkizedi.
«Dárimen emdeý kútkendegideı nátıje bermegen jaǵdaıda omyrtqany turaqtandyrý úshin ota jasaý qamyna kirisedi. Patsıentke 8-den 12-shi omyrtqasyna deıin elektrodtar salynady. Osy kezde naýqas denesiniń ádetten tys aýyrǵanyn parestezııany (parestezııa - tula boıyńda «qumyrysqa jorǵalaǵandaı» sezimdi bastan keshirý) sezedi. Bir apta boıy testilik stımýlıatsııa júredi. Eger patsıenttiń jaǵdaıy jaqsara bastasa, elektrod kók etke de salynady», - dedi Chıngız Shashkın.
2012 jyly respýblıkalyq bıýdjet esebinen 5 ota jasalsa, 2013 jyly onyń sanyn 15-ke jetkizý josparlanýda. Búgingi kúni mundaı otany Qazaqstanda 3 000 adamǵa jasaý qajet.
