Astanada ómir súrý sapasyn jaqsartýǵa múmkindik beretin jobalar talqylandy

ASTANA. QazAqparat - Astananyń memlekettik jáne jergilikti atqarýshy organdary jáne Qazaqstannyń telekommýnıkatsııalyq kompanııalarynyń qatysýymen «IoT Networking Day» konferentsııasy ótti, dep habarlaıdy elorda ákimdiniń medıa ortalyǵy .

Málimetterdi qashyqtyqtan symsyz jetkizýdiń ózekti máselelerin talqyǵa salǵan  jıynnyń maqsaty - «Zattar ǵalamtory» boıynsha bastamalardy iske asyrýda qajetti kommýnıkatsııalyq ortany qamtamasyz etý. 

«Zattar ǵalamtary» kóptegen sensorlardyń bir-birimen tildesip, qajetsiz jáne qosymsha komandalar men operatsııalarsyz kommýnıkatsııalar jiberýi. 

 

Búginde Astana «Zattar ǵalamtoryn» belsendi engize bastady, ári bizdiń aldymyzda qurylǵylardyń bir-birimen kommýnıkatsııalaýyna járdemdesetin málimetterdi jetkizizý jelileri týraly mańyzdy másele tur», - dedi medıa ortalyqtyń tilshisine bergen suhbatynda «Astana Innovations»  AQ Smart tehnologııalar salasyndaǵy quzyret ortalyǵynyń dırektory Ásel Baıtasova. 

Konfrentsııanyń birinshi paneldik sessııasynda Astana, Almaty, Aqtóbe ákimdikteriniń ókilderi TKSh, kólik, densaýlyq saqtaý jáne qaýipsizdik salalaryndaǵy zattar ǵalamtory sheshimderiniń alǵashqy nátıjelerine toqtaldy. Sondaı-aq atalǵan saladaǵy jobalardy jetildirý josparymen bólisti. 

 

Ekinshi jáne úshinshi bólimderde kommýnıkatsııalyq kompanııalar elimizdiń ulttyq kompanııalarymen birlesip qoljetimdi LPWAN tehnologııalarǵa sholý jasady. Buǵan qosa ónerkásip nysandary men ǵımarattaryn avtomattandyrýǵa baılanyty mindetterdi sheshý úshin LoRaWAN jáne  NBIoT syndy sheshimderdi engizý tájirıbesiniń alǵashqy jetistikteri ortaǵa salyndy. 

 «Biz aldyn-ala saraptama jasap, tehnologııalardy tańdadyq. Búginde onyń ekeýi Astana, Qaraǵandy jáne Aqtóbe qalalary men «QTJ», «Qazmunaıgaz» AQ syndy ındýstrıaldy sektor ókilderimen talqylandy», - dedi Á.Baıtasova. 

Onyń aıtýynsha  LPWAN jáne LoRaWAN tehnologııalary elimizdiń barlyq qalalarynda engizilip jatyr. Ásirese jańashyldyqty engizýde «Qazaqstan temir joly» kósh bastap tur. Sonymen birge symsyz málemet taratý jelisine «Qazaqtelekom» AQ men Kcell , Beeline , Tele 2 baılanys operatorlary qyzyǵýshylyq tanytyp otyr. 

  

 «Atalǵan jobalar birinshi kezekte jolaýshynyń jol júrý ýaqytyn qysqartý, ólim-jitimdi azaıtýǵa, túptep kelgende elorda turǵyndarynyń ómir súrý sapasyn jaqsartýǵa múmkindik beredi», - dedi Baıtasova. 

 

«Aıta keteıik, «Zattar ǵalamtory» jobasyn engizýmen «Astana Innovations» AQ janynan qurylǵan Smart tehnologııalar salasyndaǵy quzyret ortalyǵy aınalysady.