Astanada Olımpıada kúnine oraı birqatar sharalar ótedi
ASTANA. QazAqparat - 23 mamyrda saǵat 10:00-de Astanadaǵy mádenıet jáne demalys saıabaǵynda Olımpıada kúniniń resmı ashylýy ótedi. Baǵdarlama aıasynda Olımpıada jáne álem chempıondarymen, elimizdiń dańqty sportshylarymen kezdesýler uıymdastyrylady, dep habarlaıdy astana.kz.
Sonymen qatar shara barysynda 800 jáne 1200 metr qashyqtyqtarǵa júgirý, «Olımpıada jarystary» atty asfaltqa sýret salý baıqaýy, múmkindigi shekteýli sportshylar arasynda saıystar ótkiziledi. Búgingi tańda álem boıynsha 200-den astam Ulttyq Olımpıada komıtetteri jyl saıyn atalmysh kúndi atap ótedi. Sharanyń maqsaty - salaýatty ómir saltyn nasıhattaý. Eske sala keteıik, 1894 jyly 23 maýsymda Per de Kýberten men onyń jaqtastary qazirgi zamanǵy Olımpıada qozǵalysyn qaıta qalpyna keltirip, Halyqaralyq Olımpıada komıtetin qurǵan. Birinshi Dúnıejúzilik Olımpıada kúni 1948 jyly 23 maýsymda atalyp ótti. Oǵan 9 eldiń Ulttyq Olımpıada komıtetteri qatysty.
