Astanada Olımpıada kúni atalyp ótti (FOTO)
ASTANA. QazAqparat - Elordalyq mádenıet jáne demalys saıabaǵynda Olımpıada kúnin QR Mádenıet jáne sport mınıstri Arystanbek Muhamedıuly saltanatty túrde ashty, dep habarlaıdy astana.kz.
Bıyl atalmysh shara Qazaqstanda 2022 jylǵy Olımpıada oıyndaryn ótkizýdi qoldaýǵa baǵyttaldy.
Merekelik júgirýge elimizdiń dańqty sportshylary, álem chempıondary men Olımpıada jeńimpazdary qatysty. Shara barysynda 800 jáne 1200 metr qashyqtyqqa júgirý, «Olımpıada jarystary» asfaltqa sýret salý baıqaýy, múmkindigi shekteýli sportshylar arasynda saıystar ótkizildi. «Olımpıada kúnimen barshańyzdy quttyqtaımyn. Barlyq otandastarymyz sportpen shuǵyldanyp, salaýatty ómir saltyn ustansa eken deımin. Qazaqstan úshin bul aıtýy kún dep sanaımyn», - dedi sharaǵa qatysýshylarǵa ystyq lebizin bildirgen Olımpıada chempıony Serik Sápıev. Eske sala keteıik, 1894 jyly 23 maýsymda Per de Kýberten men onyń jaqtastary qazirgi zamanǵy Olımpıada qozǵalysyn qaıta qalpyna keltirip, Halyqaralyq Olımpıada komıtetin qurǵan. Birinshi Dúnıejúzilik Olımpıada kúni 1948 jyly 23 maýsymda atalyp ótti. Oǵan 9 eldiń Ulttyq Olımpıada komıtetteri qatysty.
